ខេត្តព្រៃវែងៈ ក្នុងកាយវិការមនុស្សធម៍ ចិត្តជាអ្នកបុណ្យលោកស្រី វណ្ណ លុយ អគ្គនាយិកាក្រុមហ៊ុនទឹកពិសារ អេរ៉ូទិច បានចំណាយថវិកាដោយផ្ទាល់របស់លោកស្រីជួយសង់ផ្ទះនឹងជីកអណ្តូងអោយបុរសទូរគត់ អតីតៈមានសតិមិនល្អម្នាក់នៅ ភូមិគោកជ្រេស ឃុំអង្គរ ស ស្រុកមេសាង ខេត្តព្រៃវែង ។
បុរសដែលអតីតៈមានសតិមិនល្អ ហើយបច្ចុប្បន្នព្យាបាលបានជាសះស្បើយនោះមានឈ្មោះ នុត ប៉ោ អាយុ៣៨ឆ្នាំ មានកូនពីរនាក់ សព្វថ្ងៃលែងលះជាមួយប្រពន្ធ ខណៈប្តីមានរោគសតិមិនគ្រប់ហើយត្រូវបានគេចងដាក់ច្រវ៉ាក់ជើងព្យាបាលជិត១០ឆ្នាំមកនោះ។
បុរសរូបនេះមានសេចក្តីត្រេចអរចំពោះចិត្តសប្បុរសពីលោកស្រីអគ្គនាយិកាក្រុមហ៊ុនទឹកពិសារ អេរ៉ូទិច ជួយសង់ផ្ទះ នឹងសំណូមពរសុំអណ្តូងទឹកមួយទៀត លោកស្រីក៏សម្រេចជួយជីកអោយកាលពីរសៀលថ្ងៃទី២ ខែឧសភា ឆ្នាំ២០១៦ ម្សិលមិញ៕
ដោយ សុខ ខេមរា
...
