ភ្នំពេញ៖​ ក្រុមជនសង្ស័យជាចោរប្លន់៨នាក់ត្រូវបានកម្លាំងអាវុធហត្ថខណ្ឌពោធិសែនជ័យឃាត់ខ្លួន​ ក្នុងមានស្រីម្នាក់កាលពីវេលាម៉ោង២៣និង១៩នាទី ថ្ងៃទី១០​ ខែឧសភា​ ឆ្នាំ២០១៦នៅចំនុចផ្ទះគ្មានលេខ ផ្លូវជាតិលេខ៤​ ភូមិជម្ពូវ័ន្ត​ ស​ង្កាត់ចោមចៅ ខណ្ឌពោធ៍សែនជ័យ។

កម្លាំងកងរាជអាវុធខណ្ឌបានអោយដឹងថាៈ​ ជនសង្ស័យទាំង៨នាក់នេះពាក់ពន្ធ័ករណីកាប់ប្លន់មិនបានសម្រេចកាលពីថ្ងៃទី៧​ ខែឧសភា​ ឆ្នាំ២០១៦ វេលាម៉ោង២១ និង៣០នាទីនៅចំនុចផ្លូវជាតិលេខ៤​ មុខវត្តជម្ពូវ័ន្តបណ្តាលអោយជនរងគ្រោះរបួសស្រាល​ តែប្លន់មិនបានសម្រេចរួចក៏នាំគ្នាគេចខ្លួន​ ទើបតែយប់មិញសមត្ថកិច្ចក្រសោបបានទាំងហ្វូង៕

សមត្ថកិច្ចចាប់យកវត្ថុតាងរួមមានៈ 1-ម៉ូតូ៣គ្រឿង​ 2-ដាវ៣ដើម 3-កាំបិតតូច២​ 4-ប្រដាប់ប្រើប្រាស់គ្រឿងញៀនមួយចំនួន៕​

ដោយ៖​ សុខ​ ខេមរា