ភ្នំពេញ៖ ជនជាតិស្បែកខ្មៅ៣នាក់ត្រូវបានកម្លាំងនគរបាលមន្ទីរប្រឆាំងគ្រឿងញៀន ក្រសួងមហាផ្ទៃឃាត់ខ្លួន កាលពីវេលាម៉ោង១៧ម៉១៥នាទីថ្ងៃទី១៣ ខែឧសភា ឆ្នាំ២០១៦ ។
ការឃាត់ខ្លួននេះ ធ្វើឡើងបន្ទាប់ពីកម្លាំងប៉ុស្តិ៍នគរបាលរដ្ឋបាលបឹងទំពុន បានសហការជាមួយកម្លាំងមន្ទីរប្រឆាំងគ្រឿងញៀន ក្រសួងមហាផ្ទៃ ដឹកនាំដោយលោកឧត្តមសេនីយ៍ត្រី វាំង កុសល នាយរងមន្ទីរ និងដោយបានការអនុញ្ញាតិពីលោក សៀង សុខ ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានធ្វើការឆែឆេរលំនៅដ្ឋានផ្ទះលេខ៤៤៥ ផ្លូវលេខ៥៥បេតេ ភូមិ ត្នោតជ្រុំ សង្កាត់ បឹងទំពុន ខណ្ឌ មានជ័យ រាជធានីភ្នំពេញ ហើយក៏ឈានដល់ឃាត់ខ្លួនជនសង្ស័យជាជនជាតិនីហ្ស៊េរីយ៉ា ចំនួន៣នាក់ (ភេទប្រុស) ពាក់ព័ន្ធករណី ជួញដូរគ្រឿងញៀនខុសច្បាប់ ។
ក្នុងនោះសមត្ថកិច្ចពុំបានរកឃើញវត្ថុតាងអ្វីទេ។ ចំពោះជនសង្ស័យទាំង៣នាក់ ប្រគល់ឲ្យកម្លាំងមន្ទីរប្រឆាំងគ្រឿងញៀនយកទៅចាត់ការបន្ត ហើយការឆែកឆេរបញ្ចប់នៅវេលាម៉ោង១៨និង៣០នាទីនាថ្ងៃខែឆ្នាំដដែល៕
ដោយ៖ សុខ ខេមរា