ខេត្តស្វារៀង៖យ៉ាងហោចណាស់ស្ត្រីម្នាក់បានស្លាប់ភ្លាមប្រុសស្រី២នាក់រងរបួសធ្ងន់ស្រាលដោយសារករណីគ្រោះថ្នាក់រវាងរថយន្តក្រុងប្រលះពីក្រោយរថយន្តនីសាន់បើកស្របទិសគ្នាពេញទំហឹងបណ្ដាលអោយខ្ទាតចូលវាលស្រែកាលពីវេលាម៉ោង៨យប់ថ្ងៃទី១៤ខែឧសភាឆ្នាំ២០១៦លើកំណាត់ផ្លូវជាតិលេខ១
នៅចំណុចភូមិព្នៅ​ ឃុំតាសួសស្រុកស្វាយ​ ជ្រំខេត្តស្វាយរៀង។

តាមសមត្ថកិច្ចនគរបាលស្រុកស្វាយជ្រំបានអោយដឹងថាៈ​ ស្ត្រីដែលស្លាប់មានឈ្មោះវ៉ាសេងភេទស្រីអាយុ55ឆ្នាំមុខរបរជាមន្រ្តីរាជការ។

ចំណេកអ្នករងរបួសធ្ងន់ស្រាលមានឈ្មោះសោម​ ភារម្យភេទប្រុស​ អាយុ30ឆ្នាំមុខរបរអាជីវករលក់ដូរ(ជាអ្នកបើកបររថយន្ត)និងឈ្មោះចាបសុភាព​ ភេទស្រី​ អាយុ27​ ឆ្នាំមុខរបរនិស្សិតដោយអ្នកទាំង៣មានទីលំនៅភូមិចុងព្រែកសង្កាត់ស្វាយរៀងក្រុងស្វាយរៀង

តាមសាក្សីបានប្រាប់ថាៈ​ មុនពេលកើតហេតុមានរថយន្តក្រុងម៉ាកហ៊ីហ៊ិនដាយព៌ណទឹកប្រាក់ពាក់ស្លាកលេខភ្នំពេញ3C6588បើកបរដោយបុរសម្នាក់មិនស្គាល់ឈ្មោះដោយធ្វើដំណើរពីកើតមកលិចក្នុងល្បឿនលឿនហើយក៏ជែងនិងរថយន្តមួយគ្រឿងទៀតបញ្រ្ចាស់ទិសគ្នាដោយស្ថានភាពគ្រោះថ្នាក់ក៏បុកគូថរថយន្តដែលបើកស្របទិសគ្នាពីក្រោយយ៉ាងពេញទំហឹងលាន់សូរដូចរន្ទះបាញ់ខែចែត្របណ្ដាលអោយរថយន្តនីសាន់បើងខ្ទាតធ្លាក់ស្រែតែម្ដង។

ក្រោយកើតហេតុអ្នកបើករថយន្តបង្កដោយឃើញសភាពការណ៏មិនស្រួលក៏បើកទ្វាររត់គេចខ្លួនតែម្ដងបន្សល់រថយន្តនៅនឹងកន្លែង។

បន្ទាប់មកប្រជាពលរដ្ឋក៏បានចោមរោមមើលនិងរាយការណ៏មកសមត្ថកិច្ចមូលដ្ឋានមកអន្តរាគមន៏យកជនរងគ្រោះមកកាន់មន្ទីពេទ្យបង្អែកខេត្តស្វាយរៀងប៉ុន្តែដោយស្រ្តីឈ្មោះវ៉ាសេងរងរបួសធ្ងន់ក៏បាត់បង់ជីវិតនៅនឹងកន្លែងកើតហតុ។

សពត្រូវបានសមត្ថកិច្ចប្រគល់ទៅអោយក្រុមគ្រួសារយកធ្វើបុណ្យតាមប្រពៃណី
ចំណែកមធ្យោបាយរថយន្តទាំង២គ្រឿងសមត្ថកិច្ចនគរបាលបានអូសយកទៅរក្សាទុកនៅការិយាល័យនគរបាលចរាចរណ៏ខេត្តចាត់ការតាមច្បាប់៕

​ ដោយ​ ថាន