ជនសង្ស័យជាចោរលួចគោតាមរថយន្ត២នាក់ ត្រូវនគរបាលស្រុកបារាយណ៍ឃាត់ខ្លួន

ចែករំលែក៖

ខេត្តកំពង់ធំ៖ បុរស២នាក់ ត្រូវកំលាំងចម្រុះចាប់ខ្លួន រួមទាំងរថយន្ដសាំងយ៉ុងមួយគ្រឿ ងដឹកសត្វគោ២ក្បាល់ សង្ស័យជាចោរលួចគោដឹកតាមរថយន្ដ នៅតាមបណ្ដោយផ្លូវជាតិលេខ6 វេលាម៉ោង4និង1០នាទីទៀបភ្លឺ ថ្ងៃទី3០ ខែឧសភា ឆ្នាំ2០16 ចំណុច ភូមិតាំងគោក ឃុំសូយោង ស្រុកបារាយណ៍ ខេត្តកំពង់ធំ ។

កងរាជអាវុធហត្ថស្នាក់ការ6០3 សហការជាមួយប៉ូលិសប៉ុសិ៍្ដ ឃុំសូយោង និងកំលាំងស្រុកចាប់រថយន្ដសាំងយ៉ុង1គ្រឿងដឹកគោចំនួន2ក្បាល និងមនុស្ស3នាក់ លួចគោដឹកតាមរថយន្ដ ខណៈ កំលាំងចំរុះចុះត្រួតពិនិត្យ ។

សមត្ថកិច្ចបញ្ជាក់ថា ជនសង្ស័យទី1មានឈ្មោះ សេង ពៅ អាយុ 23ឆ្នាំ រស់នៅ ភូមិជ្រោយមេត្រី ឃុំ ឫស្សីជ្រោយ ស្រុកមុខកំពូលខេត្តកណ្ដាល ទី2មានឈ្មោះ ម៉ឹន សារ៉ន អាយុ 33ឆ្នាំ រស់នៅភូមិឃុំដូចគ្នា ជនសង្ស័យទី3បានរត់គេចខ្លួនបាត់ពេលកំពង់ត្រួតពិនិត្យ ។