ភ្នំពេញ៖ កម្លាំងនគរបាលខណ្ឌមានជ័យដឹកនាំដោយលោក ហួរ ម៉េងវ៉ាង ចុះល្បាតក្នុងមូលដ្ឋានបានឃាត់បុរសម្នាក់នឹងថ្នាំញៀនមួយកញ្ចប់ធំ កាលពីថ្ងៃទី១០ ខែមិថុនា ឆ្នាំ២០១៦ វេលាម៉ោង០១ម៉ោ៣០នាទីរំលងអាធ្រាត្រ នៅចំណុចមុខហាងសាំងសូគីម៉ិច ផ្លូវមុនី្នរ៉េត ភូមិ ដំណាក់ធំ១ សង្កាត់ ស្ទឹងមានជ័យ ខណ្ឌមានជ័យ កម្លាំងល្បាតនគរបាលខណ្ឌមានជ័យ បានសហការជាមួយកម្លាំងការិយាល័យព្រហ្មទណ្ឌកំរិតធ្ងន់ និង កម្លាំងអន្តរាគមន៍ពិសេស នៃស្នងការដ្ឋាននគរបាលរាជធានីភ្នំពេញ បានឃាត់ខ្លួនជនសង្ស័យ០១នាក់ ពីបទ ជួញដូរដោយខុសច្បាប់នូវសារធាតុញៀន ។
ជនសង្ស័យដែលឃាត់បនមានឈ្មោះ ស៊ុន ប្រុស ភេទ ប្រុស អាយុ ៤០ ឆ្នាំ មុខរបរ មិនប្រាកដ ស្នាក់នៅផ្ទះគ្មានលេខ ផ្លូវលំ ភូមិ ថ្មគោល សង្កាត់ ចោមចៅ ខណ្ឌ ពោធិ៍សែនជ័យ។
លោក ហួរ ម៉េងវ៉ាងបានប្រាប់អោយដឹងថា ខណៈពេលដែលកម្លាំងល្បាតយើងប្រទះឃើញជនសង្ស័យជិះម៉ូតូតាមផ្លូវក៏មានការសង្ស័យក៏ឃាត់ត្រួតពិនិត្យរកឃើញថ្នាំញៀនក្រាមពណ៍សថ្លាចំនួន០១កញ្ចប់ថង់ធំ ក៏ឃាត់ខ្លួនយកមកសួរនាំនៅប៉ុស្តិនគរបាលរដ្ឋបាលស្ទឹងមានជ័យតែម្តង ។ ក្រោយពីរសួនាំរួចនៅព្រឹកថ្ងៃទី១០ខែមិថុនាឆ្នាំ២០១៦ ចុះទៅឆែកឆេនៅបន្ទប់ជួលមានថ្នាំមួយចំនួនទៀត ក្នុងនោះយើងបានដកហូតវត្ថុតាងមាន ៖ក្រាមពណ៍សថ្លាចំនួន០៥កញ្ចប់ថង់ធំ នឹងថ្នាំWY ពណ៍ផ្កាឈួកចំនួន៣១០គ្រាប់ថ្នាំ WYចំនួន៤គ្រាប់ទៀត និង ម៉ូតូ០១គ្រឿងម៉ាកអ៊ិចអ៊ែ ពណ៍ខ្មៅ ។
បច្ចុប្បន្នជនសង្ស័យត្រូវកម្លាំងប៉ុស្តិស្ទឹងមានជ័យកសាងសំណុំរឿងបញ្ជួនទៅអធិការដ្ឋាខណ្ឌមានជ័យដេីម្បីចាត់ការតាមនីតិវិធី៕
ដោយ៖ តាឡឹម
