ភ្នំពេញ ៖ បុរសជាជាងម៉ាសុីនត្រជាក់ម្នាក់ បានឡើងតតម្លើងម៉ាស៊ីនថ្មីត្រូវបានឆក់ចរន្តភ្លើង ធ្លាក់បោកក្បាលស្លាប់ភ្លាមៗនៅនឹងកន្លែង ។
ហេតុការណ៍ការនេះបានកើតឡើងកាលពីវេលាម៉ោង៤និង៣៥នាទីរសៀល ថ្ងៃទី២៥ ខែកក្កដា ឆ្នាំ២០១៦ ស្ថិតនៅ ផ្ទះមួយកន្លែង លេខ៤១ តាមផ្លូវជាតិលេខ៣ ភូមិព្រៃព្រីងត្បូង សង្កាត់ចោមចៅ ខណ្ឌពោធិ៍សែនជ័យ ។
ជនរងគ្រោះ មានឈ្មោះ រំន រ៉ាន់ ហៅ វីរៈ ភេទប្រុស អាយុ៣១ឆ្នាំ មានទីលំនៅ សង្កាត់ច្រាំងចម្រេះ ១ ខណ្ឌឫស្សីកែវ មុខរបរ ជាជាងម៉ាសុីនត្រជាក់ ធ្វើការងារនៅ ផ្សារទួលទំពូង ។ ចំណែកម្ចាស់ផ្ទះឈ្មោះ នួន ចន្ថា ភេទស្រី អាយុ៦៤ឆ្នាំ មុខរបរ នៅផ្ទះកើតហេតុ ។
តាមប្រភពនៅកន្លែងកើតហេតុ បានឲ្យដឹងថា ម្ចាស់ផ្ទះខាងលើបានហៅជាងម៉ាសុីន ត្រជាក់ មកតម្លើង ម៉ាសុីនមានគ្នា២នាក់ នាំគ្នាធ្វើការងារតាំងពីព្រឹកមកម្លេះ លុះរហូតដល់វេលាកើតហេតុ ជនរងគ្រោះ ដាក់កៅអីជ័រ ឡើងស្វានចាប់ ក្បាលម៉ាសុីន ជាប់ជញ្ជាំង នៅជាន់លើ ស្រាប់តែឆក់ចរន្តភ្លើង ធ្លាក់មកក្រោមបោកក្បាល ស្លាប់ភ្លាមៗ នៅនឹងកន្លែង ។ ក្រោយកើតហេតុជាងម្នាក់ទៀតបានគេចខ្លួនបាត់ ម្ចាស់ផ្ទះរាយការណ៍ទៅអាជ្ញាធរ សមត្ថកិច្ចឲ្យជួយពិនិត្យមើល ។ តែដោយសារ ម្ចាស់ផ្ទះមិនអស់ចិត្ត ត្បិតឃើញនៅស្រស់ៗ បានហៅក្រុមសង្រ្គោះ របស់អង្គភាព៧១១ អោយជួយពិនិត្យ តែហួសពេលទៅហើយ មិនអាចសង្រ្គោះបាន ដោយសារជនរងគ្រោះ ដាច់ខ្យល់ស្លាប់ភ្លាមៗនៅនឹងកន្លែង ។
សាកសពក្រោយពីពិនិត្យ និងកោសល្យវិច័យរួច ពិតជាឆក់ចរន្តភ្លើងដោយខ្លួនឯងហើយធ្លាក់ ផ្ងារក្រោយ បោកក្បាលស្លាប់ ហើយត្រូវបាន ប្រគល់ជូនក្រុមគ្រួសារ ដឹកយកទៅ ធ្វើបុណ្យតាមប្រពៃណី៕
ដោយៈសុខាសែនជ័យ
