ភ្នំពេញ៖ ហេតុការណ៍ភ្ញាក់ផ្អើលមួយទាំងព្រឹកព្រលឹម ខណៈដែលនារីរូបស្រស់ម្នាក់សង្ស័យបែកថ្នាំ មិនដឹងកើតទុកមិនសុខចិត្តរឿងអី..ក៏ឡើងលើដំបូលផ្ទះប្រជាពលរដ្ឋ កាលពីវេលាម៉ោង៧និង៤៥នាទីព្រឹក ថ្ងៃទី៦ ខែសីហា ឆ្នាំ២០១៦ នៅចំណុចផ្លូវរទះភ្លើង ក្នុងសង្កាត់ទឹកល្អក់១ ខណ្ឌទួលគោក ។

តាមប្រពភពពីប្រជាពលរដ្ឋ នៅកន្លែងកើតហេតុបានឲ្យដឹងថា ហេតុការណ៍នេះតាំងពីយប់ម៉ោង២រំលងអាធ្រាតមកម្ល៉េះ គឺលឺសម្លេងផុងផាំង រហូតនៅលើដំបូលរបស់ផ្ទះគាត់ ធ្វើឲ្យពួកគាត់គេងមិនលក់នោះឡើយ ។ លុះដល់ពេលព្រលឹមឡើង គាត់ក៏ចេញទៅមើលដំបូងផ្ទះស្រាប់តែឃើញនារីរូបស្រស់ម្នាក់ឡើងទៅអង្គុយ ដូចជាស្វា ហើយពួកគាត់ និងប្រជាពលរដ្ឋ ហៅស្រែក នារីនោះក៏នាងមិនឆ្លើយតបអ្វីសោះ នៅតែអង្គុយរហូតបង្កឲ្យមានការភ្ញាក់ផ្អើលដល់អ្នកធ្វើដំណើរតាមផ្លូវនាំគ្នាជួយស្រែហៅរូបនាងឲ្យចុះមកក្រោម ព្រោះខ្លាចខ្សែភ្លើងឆក់ស្លាប់ផងដែរ ។ លុះក្រោយមកទើបមានប្រជាពលរដ្ឋឡើងទៅសង្គ្រោះនាងនៅលើដំបូង តែទោះជាយ៉ាងណានាងនៅតែមិនព្រមចុះ។ ប្រភពពីប្រជាពលរដ្ឋបន្តទៀតថា ក្រោយពីស្រែកហៅនាងមិនព្រមតប និងចុះមកក្រោមទើបនាំគ្នាឡើងទៅលើដំបូងចាប់ទាញនាង និងចងដៃនាងផង រួចមកក៏លើកបោះនាងចុះមកក្រោមឲ្យប្រជាពលរដ្ឋជួយចាប់ ទំបំផុតក៏បានរួចផុតពីគ្រោះថ្នាក់។

ក្នុងករណីនោះដែរប្រជាពលរដ្ឋក៏ទំនាក់ទំនងទៅសមត្ថកិច្ចមូលដ្ឋានឲ្យមកចុះអន្តរគមន៍ភ្លាមៗ ឲ្យយកនារីរូបនេះទៅសួរនាំរកផ្ទះនិងក្រុមគ្រួសារដើម្បីឲ្យត្រលប់ទៅផ្ទះវិញ ៕

ដោយ៖ ស ដារ៉ា