លោកស្រី ម៉ែន សំអន បានលើកឡើងរម្លឹកជូនបងប្អូនស្ត្រី នៅខេត្តត្បូងឃ្មុំអំពី សង្គ្រាមបែកបាក់ពីអតីតកាល ប៉ុន្តែតាមរយៈនយោបាយ ឈ្នះ ឈ្នះ របស់សម្តេចតេជោ បានធ្វើឱ្យប្រជាជាតិយើងទទួលបានសុខសន្តិភាព យ៉ាងពេញលេញនៅទូទាំងប្រទេស ជាពិសេសជោគជ័យធំៗជាប្រវត្តិសាស្ត្រដែលរាជរដ្ឋាភិបាលក្រោមការដឹកនាំរបស់សម្តេចតេជោ សម្រេចបានជូនជាតិ និងប្រជាជន មានដូចជាហេដ្ឋារចនាសម្ព័ន្ធ គមនាគម ផ្លូវ ស្ពាន សាលារៀន មន្ទីរពេទ្យ វត្តអារ៉ាម សំណង់អគារតូចធំ នៅទីក្រុង ទីប្រជុំជន នានាទូទាំងប្រទេស ជាពិសេស សន្តិភាព ស្ថេរភាព សន្តិសុខ សណ្តាប់ធ្នាប់សាធារណៈ ដ៏ល្អ។

នាពេលនោះដែល លោកស្រីឧបនាយករដ្ឋមន្ត្រី មែន សំអន បានផ្តាំផ្ញើដល់បងប្អូនស្ត្រីទាំងអស់ ឱ្យចូលរួមថែរក្សាសន្តិភាព ស្ថេរភាព សន្តិសុខ សណ្តាប់ធ្នាប់សង្គមឱ្យបានរឹងមាំយូរអង្វែង ដើម្បីសេចក្តីសុខ របស់ប្រជាជាតិយើង។

ជាទីបញ្ចប់ លោកស្រី បានផ្តាំផ្ញើឱ្យបងប្អូនតំណាងស្ត្រីត្រូវនាំគ្នាទៅចុះឈ្មោះបោះឆ្នោតអោយបានគ្រប់គ្នាចាប់ពីថ្ងៃទី១កញ្ញាឆ្នាំ២០១៦ដើម្បីមានសិទ្ធិបោះឆ្នោតជ្រើសរើសក្រុមប្រឹក្សាឃុំសង្កាត់ដែលនិងប្រព្រឹត្តិទៅនៅឆ្នាំ២០១៧ខាងមុខនេះ។ ចុងបញ្ចប់លោកស្រីឧបនាយករដ្ឋមន្ត្រី ក៏មានជាកាដូរជូនបងប្អូនស្រ្តី សារុងម្នាក់១ និងថវិកា៤ម៉ឺនរៀលផងដែរ៕