ភ្នំពេញៈ កម្លាំងគណ:បញ្ជាការឯកភាពខណ្ឌដូនពេញ សហការជាមួយ អាជ្ញាធរខណ្ឌទួលគោក ការិយាល័យបង្រ្កាបបទល្មើសគ្រឿងញៀនកងរាជអាវុធហត្ថរាជធានីភ្នំពេញ និងអាវុហត្ថខណ្ឌដូនពេញ ក្រោមការដឹកនាំដោយផ្ទាល់ពី លោក គួច ចំរើន អភិបាលខណ្ឌដូនពេញ និងលោកវរសេនីយ៍ទោ ថោង ពិសិដ្ឋ មេបញ្ចាការអាវុធហត្ថខណ្ឌដូនពេញ នៅរសៀលថ្ងៃទី២៧ ខែសីហា ឆ្នាំ២០១៦នេះ បានចុះបង្រ្កាបទីតាំងជួញដូរ និងប្រើប្រាស់គ្រឿងញៀនមួយកន្លែងស្ថិតក្នុងផ្លូវរថភ្លើង ចំណុចផ្ទះជួលលេខ៣៤ ផ្លូវរថភ្លើង ភូមិ២១ ក្រុម១០១ សង្កាត់បឹងកក់២ ខណ្ឌទួលគោក។
ក្នុងប្រតិបត្តិការនេះកម្លាំងគណៈបញ្ជាការឯកភាពប្រមូលបានថ្នាំញៀន២៤៣កញ្ចប់ និងឃាត់ខ្លួនបានជនសង្ស័យចំនួន៣នាក់ (ស្រីម្នាក់) ព្រមទាំងសម្ភារៈសេពជាច្រើនទៀតផងដែរ៕

ដោយ ស ដារា