ភ្នំពេញ៖ បេក្ខនារីពាក់ស្លាកលេខ៩ កញ្ញា ពេជ្រ វត្តីសារ៉ាវឌ្ឍីបាននិងកំពុងតែធ្វើឲ្យគេភ្ញាក់ផ្អើលខ្លាំងនឹងរូបសម្រស់អមដោយសម្ថភាពលេចធ្លោរបស់នាងមុនថ្ងៃគ្រងមកុដ MISS CAMBODIA 2020 មកដល់។បាននឹងកំពុងតែធ្វើឲ្យគេចាប់អារម្មណ៍កាន់តែខ្លាំងក្រោយពីនាងទទួលបានពានរង្វាន់កាន់ក្នុងដៃមួយរួចជាស្រេចក្នុងថ្ងៃប្រកួតបឋមកាលពីរាត្រីថ្ងៃទី១៨ ខែធ្នូ ឆ្នាំ២០២០ ដោយនាងទទួលបានពានកញ្ញាឯកថតរូបស្អាត ។ កញ្ញា ពេជ្រ វត្តីសារ៉ាវឌ្ឍី ក៏ត្រូវបានគេស្គាល់ថាជាតារាសម្តែងស្រីនិងបង្ហាញម៉ូដដ៏មានទេពកោសល្យម្នាក់ផងដែរ ហើយនាងបាននឹងកំពុងសាងភាពលេចធ្លោខ្លាំងក្នុងកម្មវិធីប្រកួត និងមុនរាត្រីគ្រងមកុដមកដល់។ ពេជ្រ វត្តីសារ៉ាវឌ្ឍីមានអាយុ២១ ឆ្នាំ មានកម្ពស់ ១,៧៧ម៉ែត្រ មានស្រុកកំណើតនៅខេត្តព្រះសីហនុ សព្វថ្ងៃនាងជាតារាសម្តែង និងបង្ហាញម៉ូដ។ នាងធ្លាប់ចូលរួមសម្តែងក្នុងភាពយន្តភាគ ភាពយន្តខ្លី និងភាពយន្តអប់រំមួយចំនួនក្នុងតំណែងតួឯកផងដែរមានដូចជារឿង “ប្តីគេ” “ខ្មោចខ្លឹមត្រាច”ជាដើម។ ពានកញ្ញាឯកថតរូបស្អាត បានធ្វើឲ្យនាងជាប់ដោយស្វ័យប្រវត្តិសម្រាប់នាងដើម្បីចូលទៅកាន់វគ្គ១២រូបចុងក្រោយក្នុងកម្មវិធីប្រកួតផ្តាច់ព្រ័ត្រ ដែលនឹងត្រូវធ្វើឡើងនៅថ្ងៃទី២៣ខែធ្នូឆ្នាំ២០២០ខាងមុខ។ក្រៅពីទម្រង់មុខដ៏ទាក់ទាញនាងក៏មានកម្ពស់ដ៏សមសួន អមដោយចំណេះដឹងគួរឲ្យសរសើរ រហូតមានអ្នកគាំទ្រជាច្រើនបានដាក់ក្តីរំពឹងថានឹងក្លាយជាម្ចាស់មកុដថែមទៀតផងប្រសិនបើនាងធ្វើបានល្អក្នុងថ្ងៃប្រកួតចុងក្រោយនោះ។ … អានបន្ថែម បេក្ខនារីពាក់ស្លាកលេខ៩ ពេជ្រ វត្តីសារ៉ាវឌ្ឍី កំពុងលេចធ្លោខ្លាំងក្រោយកាន់ពានថតរូបស្អាត
