ក្លិបលីគកំពូលអង់គ្លេសដែលទើបនឹងឡើងថ្មីបានប្រកាសកាលពីថ្ងៃសៅរ៍ថា ពួកគេបានចុះកុងត្រារយៈពេល៤ ឆ្នាំជាមួយកីឡាករអន្តរជាតិអេស្ប៉ាញ Rodrigo Moreno Machado ក្នុងតម្លៃផ្ទេរកំណត់ត្រារបស់ក្លិប។ Rodrigo វ័យ២៩ឆ្នាំបានផ្លាស់ពីក្លិប Valencia មក Leeds ក្នុងតម្លៃខ្លួន២៦លានផោន(ប្រហែល៣៥ លានដុល្លារអាមេរិក) ។ ក្នុងរយៈពេល៦រដូវកាលជាមួយក្លិប Valencia កីឡាករRodrigo បង្ហាញខ្លួនបាន២២០ ដងក្នុងការប្រកួតទាំងអស់ដោយរកបាន៥៩គ្រាប់។ កីឡាកររូបនេះក៏ធ្លាប់បានចំណាយពេលនៅរដូវកាលឆ្នាំ២០១០–២០១១ ក្នុងលីគកំពូលរបស់អង់គ្លេសខណៈកំពុងខ្ចីជើងជាមួយក្លិប Bolton ពីក្លិបយក្សព័រទុយហ្គាល់Benfica ។ កីឡាករ Rodrigo បាននិយាយថា “សម្រាប់ខ្ញុំនេះគឺជាជំហានថ្មីមួយនៅក្នុងអាជីពរបស់ខ្ញុំ ហើយខ្ញុំចង់ជួយក្រុមឱ្យសម្រេចគោលដៅនៅរដូវកាលនេះ” ។ កីឡាកររូបនេះបន្តថា “ពិតណាស់ Marcelo Bielsaគឺជាគ្រូបង្វឹកដ៏ឆ្នើមម្នាក់ក្នុងវិស័យបាល់ទាត់នាពេលបច្ចុប្បន្ននេះគាត់បានធ្វើរឿងសំខាន់ៗនៅតាមក្លិបផ្សេងៗគ្នាហើយខ្ញុំពិតជារំភើបណាស់ដែលបានរៀនសូត្រពីគាត់ កែលម្អបាល់ទាត់របស់ខ្ញុំដោយការខិតខំ និងការធ្វើការជាក្រុម ហើយខ្ញុំសង្ឃឹមថាយើងអាចធ្វើបានសំខាន់អ្វីៗនៅរដូវកាលនេះ” ។ សូមបញ្ជាក់ថា ក្រុម Leeds បានឈ្នះជើងឯកលីគទី២របស់អង់គ្លេសកាលពីរដូវកាលមុនដើម្បីវិលទៅកាន់ក្របខ័ណ្ឌលីគកំពូលអង់គ្លេសវិញគឺ Premier League ជាលើកដំបូងចាប់តាំងពីឆ្នាំ២០០៤។ ពួកគេនឹងចាប់ផ្តើមរដូវកាលថ្មីរបស់ពួកគេជាមួយ នឹងការប្រកួតដំបូងត្រូវប៉ះជាមួយក្រុមភ្ញៀវLiverpool ដែលជាអតីតម្ចាស់ជើងឯកនៅថ្ងៃទី១២ ខែកញ្ញាខាងមុខនេះ ៕ដោយ៖ភារៈ អាន​បន្ថែម Leeds ចុះហត្ថលេខាទិញបានកីឡាករសញ្ជាតិអេស្ប៉ាញRodrigo

កីឡាករវាយតឺន្នីសលេខ១ពិភព Novak Djokovic បានលាលែងពីតំណែងជាប្រធានក្រុមប្រឹក្សាអ្នកលេងតឺន្នីស ATPដើម្បីឈានមុខទៅបង្កើតសមាគមថ្មីមួយដែលមានគោលបំណងបង្កើនអំណាចរបស់កីឡាករវាយតឺន្នីស។ បន្ទាប់ពីឈ្នះពានរង្វាន់ Western និង Southern Open កាលពីថ្ងៃសៅរ៍កីឡាករ Djokovic បាននិយាយថា “ខ្ញុំបានអាននៅក្នុងលិខិតពី ATP ដែលពួកគេគិតថា ATP មិនអាចនៅជាមួយសមាគមនេះបានទេ។ តាមច្បាប់យើងមានសុវត្ថិភាព១០០ភាគរយ ហើយយើងត្រូវបានអនុញ្ញាតឱ្យបង្កើតសមាគមអ្នកលេងថ្មីមួយទៀត”។ កីឡាករវាយតឺន្នីសឆ្នើមរូបនេះបានបន្តថា “យើងមិនអំពាវនាវឱ្យធ្វើពហិការទេ យើងក៏មិនបង្កើតការប្រកួតផ្សេងៗស្របគ្នាដែរ នេះគឺជាជំហានសំខាន់សម្រាប់កីឡាករ ហើយក៏ជាតួនាទីរបស់កីឡាផងដែរ។ យើងគ្រាន់តែចង់មានអង្គការផ្ទាល់ដែលជារបស់យើង១០០ភាគរយ ដោយធ្វើការជាមួយ ATP និងគ្រប់អង្គភាពទាំងអស់” ។ សូមបញ្ជាក់ថា កីឡាករដែលមានបំណងចង់ចុះឈ្មោះចូលជាសមាជិកសមាគមអ្នកលេងកីឡាវាយតឺន្នីស អាជីពគ្រោងនឹងជួបគ្នាក្នុងទីក្រុងញូវយ៉កដែលព្រឹត្តិការណ៍US Open ចាប់ផ្តើមនៅថ្ងៃចន្ទនេះ។ ដំបូង Djokovic បានលើកឡើងពីគំនិតនៃសហជីពរបស់កីឡាករក្នុងព្រឹត្តិការណ៍ Australian Open ឆ្នាំ ២០១៨។ ចាប់តាំងពីពេលនោះមកមិត្តភក្ដិរបស់គាត់មួយចំនួនកំពុងញុះញង់គាត់ដើម្បីទទួលបានចំណែកកាន់តែច្រើននៃប្រាក់ចំណូលដែលបង្កើតដែលក្រុមប្រឹក្សាអ្នកលេងតឺន្នីសបានបម្រុងទុក ៕    ដោយ៖ភារៈ អាន​បន្ថែម លោក Novak Djokovic លាលែងពីតំណែងជាប្រធានក្រុមប្រឹក្សាអ្នកលេងតឺន្នីសរបស់ ATP

ក្រុមកាំភ្លើងធំ Arsenal បានយកឈ្នះក្រុមម្ចាស់ជើងឯក Premier League ហង្សក្រហម Liverpool ក្នុងបាល់ប៉េណាល់ទី៥ទល់៤កាលពីរាត្រីម្សិលមិញ ក្នុងការលើកពានរង្វាន់អង់គ្លេស Community Shield នៅឯកីឡដ្ឋានWembley ដោយគ្មានអ្នកទស្សនាផ្ទាល់។ កីឡាករ Pierre-Emerick Aubameyang របស់ក្រុមកាំភ្លើងធំបានរកគ្រាប់បាល់បានយ៉ាងល្អនាំមុខ១គ្រាប់នៅនាទីទី១២ដែលការនាំមុខនេះត្រូវបានបន្តរហូតដល់ចប់តង់ទី១។ ចូលដល់តង់ទី២ក្រុមទាំង២នៅតែព្យាយាមរកគ្រាប់បាល់បន្ថែម ប៉ុន្តែមិនអាចទៅរួចទេ រហូតដល់នាទីទី៧៣ កីឡាករ Minamino របស់ក្រុមហង្សក្រហម Liverpool បានរកគ្រាប់បាល់១គ្រាប់តាមស្មើវិញ១ទល់១ ដែលលទ្ធផលនេះបានបន្តរហូតដល់ចប់តង់ទី២។ ក្នុងលទ្ធផលស្មើគ្នា១ទល់១ អាជ្ញាកណ្តាលបានកាត់សេចក្តីឲ្យស៊ុតបាល់ប៉េណាល់ទីមួយក្រុមឲ្យស៊ុត៥គ្រាប់ ហើយពេលនោះកីឡាករក្រុមកាំភ្លើងធំ Arsenal បានស៊ុតយ៉ាងល្អដោយចូលទាំង៥គ្រាប់។ … អាន​បន្ថែម Arsenal ឈ្នះពាន Community Shield ក្រោយយកឈ្នះLiverpool ក្នុងបាល់ប៉េណាល់ទី