ក្លិប Borussia Dortmund គ្រោងនឹងមានអនាគតវែងឆ្ងាយជាមួយតារាឆ្នើម Erling Haaland ខណៈនាយកកីឡាលោក Michael Zorc បានច្រានចោលការរំពឹងទុកនៃការចាកចេញរបស់ខ្សែប្រយុទ្ធរូបនេះដែលអាចកើតមាននៅទីផ្សារដោះដូរកីឡាករខាងមុខ។ នេះបើយោងតាមការចុះផ្សាយរបស់ livescore.com កាលពីម្សិលមិញ។ Erling Haaland រីករាយនឹងការលេងយ៉ាងខ្លាំងនៅក្លិប Dortmundដោយបានបង្ហាញខ្លួនក្នុងនាមជាខ្សែប្រយុទ្ធដ៏គ្រោះថ្នាក់ម្នាក់ចាប់តាំងពីបានផ្លាស់ពីក្លិប Salzburg មក Dortmund កាលពីខែមករាចំពេលបច្ចុប្បន្នមានក្លិប Real Madrid, Manchester United និង Juventus កំពុងមានទំនាក់ទំនងជាមួយកីឡាកររូបនេះ។ កីឡាករវ័យ២០ឆ្នាំរូបនេះបានក្លាយជាម្ចាស់ជើងឯកពានរង្វាន់ Golden Boy ឆ្នាំ២០២០ ក្លាយជាកីឡាករដែលលឿនជាងគេក្នុងការរកបាន១៥គ្រាប់នៅក្របខ័ណ្ឌ Champions League ក្នុងប្រវត្តិសាស្ត្រនៃការប្រកួត បន្ទាប់ពីបានរកគ្រាប់បាល់ជ័យជម្នះ ៣-០ លើក្លិប Bruggeកាលពីថ្ងៃអង្គារ។ … អាន​បន្ថែម ក្លិប Dortmund អះអាងថាមិនមានផែនការចាកចេញរបស់Haaland ពីអាល្លឺម៉ង់ឡើយ

ពលរដ្ឋអាហ្សង់ទីនរាប់សិបពាន់នាក់បាននាំគ្នាទៅកាន់ទីក្រុងប៊ុយអឺណូ ហ្ស៊ែរ (Buenos Aires) ដើម្បីបង្ហាញពីការសោកស្តាយដល់ការស្លាប់របស់អតីតកីឡាករDiego Armando Maradona កាលពីថ្ងៃទី​២៥ ខែវិច្ឆិកា។ នៅក្នុងឃ្លីបវីដេអូបង្ហាញឲ្យឃើញថា … អាន​បន្ថែម ក្រុមអ្នកគាំទ្រប៉ះទង្គិចជាមួយកម្លាំងប៉ូលិសក្នុងពិធីបុណ្យសពម៉ារ៉ាដូណា

តាមការចេញផ្សាយរបស់ soccerway និង soccer news បានចេញលទ្ធផលបង្ហាញថា ការប្រកួតក្របខ័ណ្ឌ UEFA Europa League វគ្គជម្រុះតាមពូលកាលពីរាត្រីថ្ងៃម្សិលមិញ ក្រុមខ្លាំងៗចំនួន២មកពីអង់គ្លេសបានទទួលជ័យជម្នះដូចគ្នាគឺក្រុមកាំភ្លើងធំ Arsenal និងក្រុមមាន់ខ្នាយមាស Tottenham។ ចំណែកក្រុមចចកកំណាច Leicester City បានត្រឹមស្មើជាមួយក្រុមម្ចាស់ផ្ទះប៉ុណ្ណោះ ប៉ុន្តែក្រុមនេះបានកក់កៅអីទៅវគ្គ១៦ក្រុមហើយ ព្រោះតែពិន្ទុឈ្នះដាច់ក្រុមលេខ៣។ ក្រុមកាំភ្លើងធំ Arsenal បានយកឈ្នះក្រុមម្ចាស់ផ្ទះ Molde ៣ទល់០ដែល៣គ្រាប់នេះរកបាននៅតង់ទី២ គឺនៅនាទីទី៥០, ទី៥៥ … អាន​បន្ថែម ក្រុមខ្លាំង២នៅអង់គ្លេសទទួលបានលទ្ធផល្អនៅ UEFA Europa League ខណៈ Leicester ឡើងវគ្គបន្តដោយស្វ័យប្រវត្តិ

កីឡាករវាយតឺន្នីសឆ្នើម Andy Murray បាននិយាយថា អ្នកលេងកីឡាវាយកូនបាល់គួរតែត្រូវបានគេតម្រូវឱ្យចាក់វ៉ាក់សាំងការពារមេរោគមុនពេលពួកគេត្រូវបានអនុញ្ញាតឱ្យចូលរួមក្នុងការប្រកួត។ នេះបើយោងតាមការចេញផ្សាយរបស់សារព័ត៌មាន BBC Sport កាលពីថ្ងៃពុធ ទី២៥ វិច្ឆិកា។ ជាមួយនឹងកាលវិភាគសម្រាប់ការប្រកួតកីឡាវាយតឺន្នីសឆ្នាំ២០២១ កំពុងប្រឈមនឹងបញ្ហាដែលមិនអាចចៀសផុតបានដោយសារការរីករាលដាលនៃជំងឺកូវីដ-១៩ ម្ចាស់ពានរង្វាន់ Grand Slam បីជំនាន់កីឡាករ Andy Murray សង្ឃឹមថា វ៉ាក់សាំងដែលរង់ចាំជាយូរមកហើយនឹងមាននៅរដូវផ្ការីក ហើយកម្មវិធីកំហិតមួយត្រូវបានដាក់បង្ហាញនៅក្នុងវិស័យកីឡាវាយតឺន្នីស។ Andy Murray បានសារភាពថា វានឹងពិបាកក្នុងការបង្ខំឱ្យកីឡាករចាក់វ៉ាក់សាំង ប៉ុន្តែលោកសង្ឃឹមថា ព័ត៌មាននេះនឹងទទួលបានជោគជ័យជាទូទៅ។ … អាន​បន្ថែម កីឡាករ Andy Murray គាំទ្រកម្មវិធីចាក់វ៉ាក់សាំងជាកាតព្វកិច្ចសម្រាប់ការប្រកួតកីឡាវាយតឺន្នីស

យោងតាមលទ្ធផលដែលចេញផ្សាយដោយ Soccer News កាលពីព្រឹកថ្ងៃ២៦ វិច្ឆិកា និងយោងតាមការចេញផ្សាយរបស់ UEFA បានឲ្យដឹងថា ការប្រកួតវគ្គជម្រុះតាមពូលក្របខ័ណ្ឌ UEFA Champions League បានរកឃើញ៦ក្រុមឡើងទៅវគ្គ១៦ក្រុមចុងក្រោយដោយស្វ័យប្រវត្តិ។ សម្រាប់ការប្រកួតវគ្គជម្រុះតាមពូលក្របខ័ណ្ឌខាងលើមិនទាន់បញ្ចប់នៅឡើយទេ គឺនៅសល់២ប្រកួតទៀតទើបចប់ការប្រកួតវគ្គជម្រុះនេះ។ ប៉ុន្តែបើទោះបីនៅសល់២ប្រកួតទៀតក៏ដោយគេបានរកឃើញ៦ក្រុមហើយបានឡើងទៅវគ្គប្រកួត១៦ក្រុមដោយស្វ័យប្រវត្តិ … អាន​បន្ថែម រកឃើញ៦ក្រុមឡើងវគ្គ១៦ក្រុមស្វ័យប្រវត្តិនៅ UEFA Champions League

សារព័ត៌មាន livescore.com បានផ្សាយថា ប្រធានក្លិប Napoli លោក Aurelio De Laurentiis បានបង្ហើបឱ្យដឹងថា កីឡដ្ឋានរបស់ក្លិបអាចប្តូរឈ្មោះទៅជាកិត្តិយសរបស់លោក Diego Maradona បន្ទាប់ពីលោកបានទទួលមរណភាពកាលពីថ្ងៃពុធ។ សមាគមបាល់ទាត់អាហ្សង់ទីន (AFA) បានបញ្ជាក់នៅពាក់កណ្តាលសប្តាហ៍នេះថា កីឡាករម៉ារ៉ាដូណាដែលជាកីឡាករបាល់ទាត់ដ៏ឆ្នើមបំផុតមិនធ្លាប់មានបានស្លាប់នៅអាយុ៦០ឆ្នាំ ដោយសារជំងឺគាំងបេះដូង។ អ្នកជួយឲ្យអាហ្សង់ទីនឈ្នះការប្រកួត World Cup លោកម៉ារ៉ាដូណាទទួលបានជោគជ័យយ៉ាងខ្លាំងនៅក្លិប Napoli ជាកន្លែងដែលគាត់បានដឹកនាំ Napoli ទៅរកភាពល្បីល្បាញដែលមិនធ្លាប់មានពីមុនក្នុងក្របខ័ណ្ឌ Serie A កាលពីឆ្នាំ១៩៨៦-១៩៨៧ និងឆ្នាំ១៩៨៩-១៩៩០។ អ្នកគាំទ្រម្នាក់របស់ Napoli កាន់ទុក្ខមរណភាពរបស់លោកម៉ារ៉ាដូណាលោក De Laurentiis បាននិយាយថា កីឡដ្ឋាននៅក្រុង San Paolo អាចត្រូវបានគេដាក់ឈ្មោះតាមឈ្មោះរូបតំណាងបាល់ទាត់ ឬក៏ជាឈ្មោះលោកម៉ារ៉ាដូណា។ លោក De Laurentiis និយាយថា “វាអាចជាគំនិតមួយក្នុងការដាក់ឈ្មោះកីឡដ្ឋាន San … អាន​បន្ថែម ក្លិប Napoli គ្រោងនឹងប្តូរឈ្មោះពហុកីឡដ្ឋានបន្ទាប់ពី Maradonaទទួលមរណភាព

សារព័ត៌មាន BBC Sport បានផ្សាយនៅព្រឹកថ្ងៃទី២៦ វិច្ឆិកានេះថា ប្រទេសអាហ្សង់ទីនបានធ្វើពិធីកាន់ទុក្ខថ្នាក់ជាតិរយៈពេល៣ថ្ងៃបន្ទាប់ពីវីរបុរសបាល់ទាត់ប្រទេសនេះគឺលោក​ឌីហ្គោ ម៉ារ៉ាដូណា (Diego Maradona ) បានទទួលមរណភាពកាលពីថ្ងៃពុធក្នុងអាយុ៦០ ឆ្នាំ។ សពរបស់គាត់នឹងតម្កល់នៅរដ្ឋ Casa Rosada ដែលកន្លែងប្រារព្ធពិធីរបស់រដ្ឋាភិបាលអាហ្សង់ទីនក្នុងកំឡុងពេលនោះ។ ការធ្វើកោសល្យវិច័យក្រោយមរណភាពគ្រោងនឹងធ្វើឡើងនៅលើដងខ្លួនរបស់លោកម៉ារ៉ាដូណាកាលពីពុធបន្ទាប់ពីលោកបានទទួលមរណភាពនៅវេលាថ្ងៃត្រង់ម៉ោងក្នុងស្រុក នៅផ្ទះរបស់លោកតំបន់ Tigre ប្រទេសអាហ្សង់ទីន។ អតីតខ្សែបម្រើប្រយុទ្ធនិងអ្នកចាត់ការទូទៅនៃក្រុមជម្រើសជាតិអាហ្សង់ទីនរូបនេះបានទទួលជោគជ័យក្នុងការវះកាត់លើកំណកឈាមខួរក្បាលកាលពីខែវិច្ឆិកា ហើយត្រូវបានទទួលការព្យាបាល ប៉ុន្តែដោយសារលោកពាក់ព័ន្ធនឹងការសេពគ្រឿងស្រវឹងធ្វើឲ្យជំងឺរបស់លោកធ្ងន់ធ្ងរ ព្យាបាលលែងជា។ ក្រោយទទួលមរណភាពរបស់លោកម៉ារ៉ាដូណា អ្នកចាត់ការក្លិបធំៗមួយចំនួននិងកីឡាករល្បីៗ ដែលធ្លាប់លេង និងស្គាល់លោកយ៉ាងច្បាស់បានបង្ហាញអារម្មណ៍ទុក្ខសោក និងសោកស្តាយ និងចងចាំពីកេរ្តិ៍ឈ្មោះរបស់លោកក្នុងពិភពបាល់ទាត់។ អតីតខ្សែបម្រើក្រុម Tottenham កីឡាករ Ardiles ដែលធ្លាប់លេងជាមួយម៉ារ៉ាដូណាក្នុងព្រឹត្តិការណ៍បាល់ទាត់ពិភពលោកឆ្នាំ១៩៨២ បាននិយាយថាគាត់(ម៉ារ៉ាដូណា)គឺជា“ព្រះ” នៅប្រទេសអាហ្សង់ទីន និងនៅជុំវិញពិភពលោក។ គាត់នឹងត្រូវបានគេចងចាំថាជាអ្នកមានទេពកោសល្យក្នុងវិស័យបាល់ទាត់” ។ អ្នកចាត់ការក្រុម Manchester City លោក Pep Guardiola បាននិយាយថាMaradona “ធ្វើឱ្យបាល់ទាត់ពិភពលោកកាន់តែប្រសើរ។ មានបដាមួយនៅប្រទេសអាហ្សង់ទីនកាលពីមួយឆ្នាំមុនដែលខ្ញុំបានអានដែលនិយាយថាមិនថាអ្នកបានធ្វើអ្វីជាមួយជីវិតរបស់អ្នក វាមិនសំខាន់អ្វីដែលអ្នកធ្វើសម្រាប់ជីវិតរបស់យើងទេ ។ វាបង្ហាញយ៉ាងល្អឥតខ្ចោះនូវអ្វីដែលបុរសម្នាក់នេះបានផ្តល់ឱ្យយើង ចំពោះបាល់ទាត់ពិភពលោក” ។ អតីតគ្រូបង្វឹកក្រុម Tottenham និងជាអតីតខ្សែការពារអាហ្សង់ទីន Mauricio Pochettino បាននិយាយថា “Diego អ្នកគឺជាវីរបុរសនិងជាមិត្តរបស់ខ្ញុំ។ ខ្ញុំពិតជាមានសំណាងណាស់ដែលបានចែករំលែកបាល់ទាត់និងជីវិតជាមួយអ្នក” … អាន​បន្ថែម Update៖ ប្រទេសអាហ្សង់ទីនកាន់ទុក្ខរយៈពេល៣ថ្ងៃបន្ទាប់ពីវីរបុរសបាល់ទាត់លោកម៉ារ៉ាដូណា ទទួលមរណភាព

កីឡាការិនីវាយតឺន្នីសលេខ១របស់អង់គ្លេស Johanna Konta បានជួបជុំជាមួយអតីតគ្រូបង្វឹករបស់នាងម្តងទៀតគឺលោក Dimitri Zavialoffបន្ទាប់ពីគាត់បានចែកផ្លូវគ្នារយៈពេលខ្លីកាលពីឆ្នាំ២០១៩។ នេះបើយោងតាម BBC Sport ចេញផ្សាយកាលពីថ្ងៃ២៥ វិច្ឆិកានេះ។ កីឡាការិនីវ័យ២៩ឆ្នាំ Johanna Konta បានឈានដល់វគ្គពាក់កណ្តាលផ្តាច់ព្រ័ត្រនៃព្រឹត្តិការណ៍ French Open ក៏ដូចជាវគ្គ៨ក្រុមចុងក្រោយនៅ Wimbledon និង US Open នៅពេលដែលនាងស្ថិតក្រោមការបង្វឹកផ្ទាល់ពីលោក Dimitri Zavialoff កាលពីឆ្នាំ២០១៩។ ភាពជាដៃគូនេះបានបញ្ចប់នៅដើមឆ្នាំនេះជាមួយគ្រូបង្វឹកសញ្ជាតិបារាំងរូបនេះដោយសារតែបញ្ហាហិរញ្ញវត្ថុ និងពិបាកក្នុងការធ្វើដំណើរឡើងចុះចំពេលមានវិបត្តិកូវីដ-១៩។ គាត់ប្រហែលជាមិនចំណាយពេលច្រើនក្នុងការធ្វើដំណើរ ដោយដៃគូរបស់គាត់បានចាប់ដៃគូជាមួយកីឡាការិនី SmSmururst ជាមួយក្រុមកីឡាការិនី Konta ។ … អាន​បន្ថែម Johanna Konta បានជួបជុំជាមួយអតីតគ្រូបង្វឹកលោក Dimitri Zavialoff បន្ទាប់ពីចែកផ្លូវគ្នាមួយរយៈ

ក្រុមហង្សក្រហម Liverpool បានប្រកួតចាញ់ក្រុមខ្លាំងមកពីអុីតាលី Atalanta កាលពីរាត្រីថ្ងៃទី២៥ឈានចូលថ្ងៃទី២៦ វិច្ឆិកានេះ ក្នុងវគ្គជម្រុះ UEFA Champions League តាមពូល ដែលធ្វើឲ្យក្រុមមួយនេះបាត់បង់៣ពិន្ទុដ៏សំខាន់។ យោងតាមការចុះផ្សាយរបស់ BBC Sport និងតាមលទ្ធផលរបស់ soccerway បានបង្ហាញថា ក្រុមហង្សក្រហមបានគ្រប់គ្រងបាល់រហូតដល់៥៤ភាគរយ ប៉ុន្តែឱកាសនៃការស៊ុតបាល់បែរជាមានតែ២ដង ខណៈដែលក្រុមភ្ញៀវ Atalanta មានរហូតដល់៨ដងឯណោះ។ … អាន​បន្ថែម ហង្សក្រហម Liverpool ចាញ់ Atalanta ក្នុងទឹកដី បាត់បង់៣ពិន្ទុ

អគ្គកុងស៊ុលអុីតាលីប្រចាំទីក្រុងស៊ាងហៃកាលពីថ្ងៃអង្គារបានឲ្យដឹងថាលោក Steven Zhang អាយុ ២៩ឆ្នាំជាពាណិជ្ជករជនជាតិចិនត្រូវបានទទួលរង្វាន់ជាដៃគូនាំមុខគេ។ នេះបើយោងតាមសារព័ត៌មានចិន ស៊ីនហួរចេញផ្សាយនៅលើគេហទំព័ររបស់ខ្លួន។ ឆ្នាំនេះគឺជាខួបលើកទី៥០នៃការបង្កើតទំនាក់ទំនងការទូតរវាងសាធារណរដ្ឋប្រជាមានិតចិននិងអុីតាលី។ នេះគឺជាពានរង្វាន់តែមួយគត់ដែលត្រូវបានផ្តល់ដោយរដ្ឋាភិបាលអុីតាលីតាមរយៈអគ្គកុងស៊ុលរបស់ខ្លួននៅក្នុងទីក្រុងសៀងហៃនៅឯការប្រគំតន្ត្រីអបអរខួបលើកទី៥០កាលពីថ្ងៃអង្គារដែលបានទទួល ស្គាល់ការរួមចំណែករបស់លោក Steven Zhang ក្នុងការផ្លាស់ប្តូរ និងកិច្ចសហប្រតិបត្តិការសេដ្ឋកិច្ចចិន–អុីតាលី។ លោក Steven Zhang ដែលជាប្រធានក្រុមហ៊ុនសាន់នីងអន្តរជាតិជាបុត្រសម្ព័ន្ធរបស់ក្រុមហ៊ុនលក់រាយចិនសាន់នីងហូល គ្រុបបានមានប្រសាសន៍ថា ចំណងមិត្តភាពដ៏រឹងមាំរវាងប្រទេសទាំងពីរនឹងផ្តល់ផលប្រយោជន៍ដល់សហគ្រាសរបស់ពួកគេហើយសាន់នីងអន្តរជាតិនឹងធ្វើកិច្ចសហប្រតិបត្តិការកាន់តែស៊ីជម្រៅជាមួយអុីតាលី។ ក្រុមហ៊ុន Suning International និង Suning Carrefour បានចុះកិច្ចព្រមព្រៀងជាមួយទីភ្នាក់ងារពាណិជ្ជកម្មអុីតាលី (ITA) នៅឯពិព័រណ៍នាំចូលអន្ដរជាតិចិនលើកទី៣ (CIIE) ដើម្បីណែនាំម៉ាកយីហោអុីតាលីបន្ថែមទៀតទៅកាន់ទីផ្សារប្រទេសចិន។ កាលពីឆ្នាំ២០១៩ ក្រុមហ៊ុន Suning បានចុះហត្ថលេខាលើកិច្ចព្រមព្រៀងក្របខ័ណ្ឌកិច្ចសហប្រតិបត្តិការជាមួយ ITA នៅព្រឹត្តិការណ៍ពិព័រណ៌លើកទី ២ក្នុងឆ្នាំដែលកិច្ចព្រមព្រៀងនេះបានចុះហត្ថលេខារវាងភាគីទាំងពីរអនុញ្ញាតឱ្យ ITA ជួយណែនាំម៉ាកអុីតាលីជាង១៥០មុខដល់ប្រទេសចិន។ … អាន​បន្ថែម ប្រធានក្លិប Inter Milan លោក Steven Zhang ទទួលបានរង្វាន់ពីរដ្ឋាភិបាលអុីតាលី