ការប្រកួតកីឡាអូឡាំពិកនៅទីក្រុងតូក្យូនឹងត្រូវធ្វើឡើងដោយបិទទ្វារ
រដ្ឋមន្រ្តីកីឡាអូឡាំពិកលោក Tamayo Marukawa បានប្រកាសថា ព្រឹត្តិការណ៍អូឡាំពិកនាទីក្រុងតូក្យូនឹងត្រូវធ្វើឡើងដោយគ្មានអ្នកទស្សនាដោយសារតែការកើនឡើងនៃការឆ្លងជំងឺកូវីដ–១៩ នៅក្នុងទីក្រុងតូក្យូប្រទេសជប៉ុន។ សារព័ត៌មាន MARCA បានផ្សាយកាលពីថ្ងៃម្សិលមិញថាការសម្រេចចិត្តនេះត្រូវបានធ្វើឡើងនៅក្នុងកិច្ចប្រជុំរវាងតំណាងគណៈកម្មាធិការរៀបចំជប៉ុន, គណៈកម្មាធិការអូឡាំពិកអន្តរជាតិ, អាជ្ញាធរទីក្រុងតូក្យូ និងរដ្ឋាភិបាលជប៉ុន។ ប្រមុខរដ្ឋាភិបាលទីក្រុងតូក្យូលោក Seiko Hashimoto មានប្រសាសន៍ថា“យើងចាំបាច់ត្រូវចេញសារដែលមានប្រសិទ្ធភាព និងងាយយល់ពីទស្សនៈដើម្បីការពារការរីករាលដាលជំងឺកូវីដ–១៩បន្ថែមទៀត ។ ប្រធានគណៈកម្មាធិការអូឡាំពិកអន្តរជាតិលោក Thomas Bach បានឲ្យដឹងដែរថា គណៈកម្មាធិការនឹងគាំទ្ររាល់វិធានការចាំបាច់នានាដែលបានអនុវត្តដោយរដ្ឋាភិបាលជប៉ុនក្នុងគោលបំណងដើម្បីជៀសវាងការរីករាលដាលនៃជំងឺ COVID-19 ។ លោក Bach បានកត់សម្គាល់ថា “យើងបានបង្ហាញការទទួលខុសត្រូវនេះចាប់តាំងពីថ្ងៃពន្យារពេល។ យើងក៏នឹងបង្ហាញវានៅថ្ងៃនេះដែរ ហើយយើងនឹងគាំទ្ររាល់វិធានការដែលចាំបាច់ដើម្បីឱ្យមានការប្រកួតកីឡាអូឡាំពិក និងប៉ារ៉ាឡាំពិកសម្រាប់ប្រជាជនជប៉ុន និងអ្នកចូលរួមទាំងអស់” … អានបន្ថែម ការប្រកួតកីឡាអូឡាំពិកនៅទីក្រុងតូក្យូនឹងត្រូវធ្វើឡើងដោយបិទទ្វារ
