តារាឆ្នើមអង់គ្លេស Kieran Trippier កំពុងចង់វិលទៅកាន់ក្របខ័ណ្ឌ Premier League នៅរដូវក្តៅនេះ ខណៈដែលខ្សែការពារខាងស្តាំរង់ចាំមើលថាតើក្រុមបិសាចក្រហម Manchester United ធ្វើការដេញថ្លៃថ្មីសម្រាប់រូបគេឬអត់។យោងតាមការចេញផ្សាយរបស់ telegraph បានបង្ហាញថា ក្លិបបិសាចក្រហមបានបរាជ័យក្នុងការដេញថ្លៃដើម្បីចុះហត្ថលេខាលើ Kieran Trippier នៅរដូវក្តៅនេះដោយក្លិប Atletico Madrid ចង់បានប្រហែល៣០លានផោនសម្រាប់កីឡាករវ័យ៣០ឆ្នាំរូបនេះ។ Kieran Trippier នៅសល់មួយឆ្នាំទៀតលើកិច្ចសន្យាកុងត្រារបស់ Atletico Madrid ដែលរួមបញ្ចូលទាំងជម្រើសនៃការពន្យាពេល១២ខែផងដែរ ប៉ុន្តែអតីតកីឡាករក្លិប Tottenham Hotspur រូបនេះបានត្រៀមខ្លួនថា គាត់ចង់វិលត្រឡប់ទៅអង់គ្លេសវិញ។ គេយល់ថាក្លិបនៅ Premier League ពីរផ្សេងទៀតក្រៅពី Man United បានបង្ហាញចំណាប់អារម្មណ៍ក្នុងការចុះហត្ថលេខាលើ Trippier ដែរ ប៉ុន្តែការផ្លាស់ទៅកាន់ទឹកដី Old Trafford ត្រូវបានគេជឿជាក់ថាជាចំណូលចិត្តរបស់គាត់។ Trippier បានបំពេញតួនាទីយ៉ាងអស្ចារ្យសម្រាប់អង់គ្លេសក្នុងពានរង្វាន់យូរ៉ូ និងបានបញ្ជូនបាល់ឲ្យមិត្តរួមក្រុមពីខ្សែការពារឆ្វេង Luke Shaw របស់ក្រុមបិសាចក្រហមស៊ុតបញ្ចូលទីនៅវគ្គផ្តាច់ព្រ័ត្រទល់នឹងអុីតាលីផងដែរ។ ការលេងរបស់កីឡាកររូបនេះនៅក្នុងការប្រកួតដែលភាគច្រើនបានត្រឡប់មកវិញដែលរួមបញ្ចូលទាំងប្រធានក្រុមបិសាចក្រហម Harry … អាន​បន្ថែម ខ្សែការពារ Kieran Trippier ចង់វិលត្រឡប់ទៅក្របខ័ណ្ឌ Premier League ខណៈរង់ចាំការផ្លាស់ប្តូរមក Manchester United

អ្នករៀបចំការប្រកួតកីឡាវាយកូនហ្គោល R&A បាននិយាយថា កីឡាករចំនួន១៥៦នាក់នៅក្នុងព្រឹត្តិការណ៍ Open Championship នៅសប្តាហ៍នេះត្រូវបានគេប្រាប់ថា ពួកគេអាចនឹងត្រូវបានគេដកសិទ្ធិប្រសិនបើពួកគេរំលោភលើពិធីសារនៃការការពារការឆ្លងជំងឺកូវីដ–១៩។ កីឡាករទាំងអស់មិនត្រូវបានអនុញ្ញាតឱ្យចូលហាង, ភោជនីយដ្ឋាន ឬផ្សារទំនើប ហើយត្រូវស្នាក់នៅក្នុងសណ្ឋាគារដែលបានអនុញ្ញាត ឬកន្លែងស្នាក់នៅឯកជនដែលមានកំណត់សម្រាប់មនុស្ស៤នាក់។ នាយកប្រតិបត្តិ R&A លោក Martin Slumbers បាននិយាយថា “វាប្រហែលជាមិនអាចជៀសរួចទេដែលពួកគេនឹងប្រឈមមុខនឹងបញ្ហា។មិនមែនជាយើងជាអ្នកបង្កើតច្បាប់ទេ តែជាច្បាប់ចក្រភពអង់គ្លេស។ ខ្ញុំរំពឹងថាអ្នកចូលរួមប្រកួតនឹងមានប្រតិកម្ម និងដោះស្រាយតាមរបៀបប្រកបដោយវិជ្ជាជីវៈនិងការទទួលខុសត្រូវ”។ លោក Martin Slumbers បន្តថា “នៅពេលត្រូវបានគេសួរថា តើកីឡាករម្នាក់នឹងត្រូវបានគេដកសិទ្ធិប្រសិនបើពួកគេត្រូវបានគេប្រទះឃើញនៅក្នុងរង្គសាលនោះ? លោកបានឆ្លើយថា “ខ្ញុំគិតថាគាត់នឹងប្រឈមនឹងការដកសិទ្ធិមែន”។ នៅពេលត្រូវបានគេសង្កត់ធ្ងន់លើបញ្ហានេះ លោកអះអាងថា “ខ្ញុំបានរៀនធ្វើជាមន្ត្រី និងវិធានដែលអ្នកចង់យល់ពីកាលៈទេសៈ ប៉ុន្តែខ្ញុំមិនគិតថាវាជាបញ្ហាទេ។ ខ្ញុំគិតថាអ្នកប្រកួតដឹងពីហានិភ័យ ពួកគេមិនចង់ដាក់កីឡាករផ្សេងទៀតទេ”។ អ្វីដែលអាក្រក់បំផុតដែលអ្នកចូលរួមប្រកួតអាចទទួលបានគឺកីឡាករម្នាក់ត្រូវបានគេតាមដាន ព្រោះការប្រកួតរយៈពេល១០ថ្ងៃដើម្បីជ្រើសរើសជើងឯក។ ព្រឹត្តិការណ៍ប្រកួតវាយកូនហ្គោលនេះនឹងមានអ្នកទស្សនារហូតដល់៣២,០០០នាក់ដែលត្រូវបានអនុញ្ញាតឱ្យទស្សនានៅជិតទីលាន Kent នៅរៀងរាល់ថ្ងៃនៃកម្មវិធី The Open Championship ដែលនឹងចាប់ផ្តើមនៅថ្ងៃព្រហស្បតិ៍ ហើយលោក Slumbers បានចង្អុលបង្ហាញថាមានភាពខុសគ្នាសម្រាប់កីឡាករ និងអ្នកទស្សនា ហើយត្រូវបានឃ្លាំមើលសកម្មភាពដោយមន្ត្រីរដ្ឋាភិបាល។ លោកអះអាងថា … អាន​បន្ថែម កីឡាករវាយកូនហ្គោលប្រឈមមុខនឹងការដកសិទ្ធិបើបំពានពិធីសារណែនាំពីការការពារកូវីដ-១៩ ក្នុងព្រឹត្តិការណ៍ The Open Championship ២០២១

ក្រុមកីឡាបាល់ទាត់នារីរបស់ចក្រភពអង់គ្លេសនឹងលុតជង្គង់មុនពេលការប្រកួតរបស់ពួកគេនៅក្នុងព្រឹត្តិការណ៍អូឡាំពិកទីក្រុងតូក្យូនៅខែនេះ។នេះបើយោងតាមការចេញផ្សាយរបស់ BBC Sport។ កាលពីដើមខែនេះវាត្រូវបានគេប្រកាសអំពីច្បាប់ជុំវិញអត្តពលិកដែលតវ៉ានៅព្រឹត្តិការណ៍ក្នុងទីក្រុងតូក្យូ២០២០ ត្រូវបានបន្ធូរបន្ថយដោយគណៈកម្មាធិការអូឡាំពិកអន្តរជាតិ។ លោកស្រី Hege Riise គ្រូបង្វឹកក្រុមបាល់ទាត់នារីជម្រើសជាតិអង់គ្លេសបាននិយាយថា ក្រុមទាំងអស់រួបរួមគ្នាក្នុងការសម្រេចចិត្តធ្វើកាយវិការដោយលុតជង្គង់មួយមុនចាប់ផ្តើមការប្រកួតមកដល់។ យើងរីករាយដែល IOC បានទទួលស្គាល់សារៈសំខាន់ទម្រង់នៃសេរីភាពក្នុងការបញ្ចេញមតិនេះ។ អ្នកលេងនៅក្នុងប្រកួតទាំងស្ត្រីនិងបុរសបានលត់ជង្គង់ដើម្បីបង្ហាញពីភាពអយុត្តិធម៌ក្នុងការប្រកាន់ពូជសាសន៍។ លោកស្រីបានបន្តថា “យើងទាំងអស់គ្នារួបរួមគ្នាក្នុងការសំរេចចិត្តបន្តធ្វើអ្វីដែលយើងអាចធ្វើបានដើម្បីលើកកម្ពស់ការយល់ដឹងអំពីការរើសអើងជាតិសាសន៍ និងការរើសអើងគ្រប់រូបភាពទាំងអស់ឈរដោយសាមគ្គីភាព និងឯកភាពជាមួយមនុស្សទាំងអស់ដែលរងគ្រោះ”។ លោកស្រីបន្ថែមថា “យើងដឹងច្បាស់ថាការលុតជង្គង់គឺជានិមិត្តរូបសំខាន់មួយនៃការតវ៉ាដោយសន្តិវិធីប្រឆាំងនឹងការរើសអើងភាពអយុត្តិធម៌ និងវិសមភាពនៅក្នុងសង្គម”។ លោក Andy Anson ប្រធានសមាគមអូឡាំពិកអង់គ្លេសក៏បានអះអាងដែរថា ការលុតជង្គង់ពីសំណាក់ក្រុមកីឡាបាល់ទាត់ស្ត្រីរបស់យើងកំពុងបញ្ចូលតម្លៃនៃក្រុមជម្រើសជាតិរបស់យើង។ យើងបានស្វាគមន៍ការបំភ្លឺថ្មីៗដែលផ្តល់ដោយ IOC ។ … អាន​បន្ថែម ក្រុមកីឡាបាល់ទាត់នារីនឹងលុតជង្គង់មុនពេលចាប់ផ្តើមប្រកួតនៅព្រឹត្តិការណ៍អូឡាំពិកទីក្រុងតូក្យូ