សារព័ត៌មានអេស្ប៉ាញ Marca បានចេញផ្សាយកាលពីថ្ងៃទី៣ ខែធ្នូថា បន្ទាប់ពីបានឃើញព្រឹត្តិការណ៍នានាកាលពីថ្ងៃសៅរ៍សប្តាហ៍មុននៅឯStaples Center ក្នុងទីក្រុង Los Angeles លោក Evander Holyfield មិនមានអ្វីគួរឱ្យសង្ស័យនៅក្នុងចិត្តទេ គាត់ចង់ប្រយុទ្ធជាមួយ Mike Tyson នៅលើសង្វៀនម្តងទៀត។ លោក Holyfield បានចេញសេចក្តីថ្លែងការណ៍មួយបន្ទាប់ពីគាត់មើលការប្រកួតរបស់ Mike Tyson ជាមួយនឹងលោក Roy Jones Jr ដោយលទ្ធផលស្មើគ្នា ក្នុងកម្មវិធីប្រកួតពិព័រណ៌សប្បុរសធម៌មួយកាលពីចុងសប្តាហ៍កន្លងទៅ។ នៅក្នុងសេចក្តីថ្លែងការណ៍របស់លោក Holyfield បាននិយាយថា “គ្មានលេសទៀតទេ! នេះគឺជាការប្រកួតដែលត្រូវតែកើតឡើងសម្រាប់កេរ្តិ៍តំណែលរបស់យើងទាំងពីរ” ។ … អាន​បន្ថែម Holyfield និង Mike Tyson ចុះហត្ថលេខាលើកិច្ចសន្យាចូលសង្វៀនប្រកួតគ្នា

សមាគមអ្នកលេងបាល់បោះជាតិ(NBA)របស់អាមេរិកបានប្រកាសកាលពីថ្ងៃព្រហស្បតិ៍ថា មានការធ្វើតេស្តវិជ្ជមានលើកីឡាករចំនួន៤៨នាក់មានផ្ទុកកូវីដ-១៩ ក្នុងចំណោមកីឡាករបាល់បោះ៥៤៦នាក់ដែលត្រូវបានសាកល្បងធ្វើតេស្តចាប់ពីថ្ងៃទី២៤ ខែវិច្ឆិកា ដល់ថ្ងៃទី៣០ ខែវិច្ឆិកា។ យោងតាមការចេញផ្សាយរបស់សារព័ត៌មានស៊ីនហួរបានឲ្យដឹងកាលពីម្សិលមិញថា ការសាកល្បងជុំសម្រាប់កីឡាករបានប្រកាសចេញមកខណៈដែលកីឡាករបាល់បោះទាំងអស់បានវិលត្រឡប់មកក្រុមរបស់ពួកគេនៅមុនពេលដែលត្រូវចាប់ផ្តើមប្រកួតនៅថ្ងៃទី១១ ខែធ្នូខាងមុខ។ សម្រាប់ការប្រកួតបាល់បោះជ្រើសរើសជើងឯកនៅអាមេរិករដូវកាលនេះគ្រោងនឹងចាប់ផ្តើមនៅថ្ងៃទី ២២ ខែធ្នូ ឆ្នាំ២០២០ខាងមុខ។ សមាគមបាល់បោះNBA បានចេញសេចក្ដីថ្លែងការណ៍ថា ខ្លួននឹងធ្វើតេស្តកីឡាករទាំងអស់របស់ខ្លួនជារៀងរាល់ថ្ងៃពេញមួយរដូវកាលនេះ។ យោងទៅតាមពិធីសារស្តីពីសុខភាព និងសុវត្ថិភាពដែលចេញផ្សាយដោយ NBA នាពេលថ្មីៗនេះកីឡាករទាំងអស់នឹងមិនត្រូវចេញហាត់ប្រាណយ៉ាងហោចណាស់១០ ថ្ងៃប្រសិនបើគាត់បានធ្វើតេស្តវិជ្ជមានជំងឺកូវីដ-១៩ ៕ដោយ៖ភារៈ អាន​បន្ថែម NBA រាយការណ៍ពីការធ្វើតេស្តវិជ្ជមានជំងឺកូវីដ-១៩លើកីឡាករបាល់បោះ៤៨នាក់