ក្រុមអតីតម្ចាស់ជើងឯកយូរ៉ូ ព័រទុយហ្គាល់បានទទួលជ័យជម្នះយ៉ាងធំធេងទៅលើក្រុមហុងគ្រីក្នុងការប្រកួតវគ្គជម្រុះពូល F កាលពីយប់ថ្ងៃទី១៥ ខែមិថុនាក្នុងលទ្ធផល៣ទល់០។ ចំណែកក្រុមជម្រើសជាតិបារាំងបានយកឈ្នះក្រុមខ្លាំងអាល្លឺម៉ង់១ទល់០ ដោយសារបាល់ស៊ុតចូលទីខ្លួនឯង (Own Goal) ដែលជាគ្រាប់បាល់សំណាង។ … អាន​បន្ថែម អតីតម្ចាស់ជើងឯកចាស់ ព័រទុយហ្គាល់យកឈ្នះហុងគ្រី៣ទល់០ ខណៈបារាំងឈ្នះអាល្លឺម៉ង់ដោយសារបាល់ Own Goal

អ្នកចាំទី Aaron Ramsdale ត្រូវបានគេកោះហៅឱ្យក្រុមជម្រើសជាតិក្នុងព្រឹត្តិការណ៍យូរ៉ូ ២០២០ របស់អង់គ្លេសដើម្បីជំនួសកីឡាករ Dean Henderson ដែលរងរបួសក្នុងការប្រកួតបើកឆាកកន្លងទៅ។ អ្នកចាំទី Henderson របស់ក្រុមបិសាចក្រហមបានដកខ្លួនចេញពីការប្រកួតជាមួយនឹងបញ្ហារបួសត្រគាកមួយដែលនឹងបន្តការសម្រាកដើម្បីព្យាបាលរបស់គាត់ក្នុងការប្រកួតព្រឹត្តិការណ៍យូរ៉ូខាងមុខ ។ កីឡាកររូបនេះនឹងត្រឡប់ទៅក្លិបរបស់គាត់វិញដើម្បីធ្វើការវាយតម្លៃ និងព្យាបាលបន្តទៀត។ អ្នកចាំទី Ramsdale មានវ័យ២៣ឆ្នាំរបស់ក្រុម Sheffield United មិនជាប់ក្នុងក្រុមជម្រើសជាតិអង់គ្លេសទេប៉ុន្តែជាផ្នែកមួយនៃក្រុមបណ្តោះអាសន្នដែលមានកីឡាករទាំង៣៣នាក់មុនពេលប្រកួតយូរ៉ូមកដល់។ កីឡាកររូបនេះនឹងអនុវត្តតាមគោលការការពារ Covid-19 ដោយត្រូវតេស្តសាកល្បងមុនពេលចូលជំរុំហ្វឹកហាត់របស់អង់គ្លេស។ Ramsdale បាននិយាយថា “ខណៈពេលដែលខ្ញុំរីករាយដែលបានចូលរួមជាមួយប្រទេសអង់គ្លេសគំនិតភ្លាមៗរបស់ខ្ញុំគឺនៅជាមួយ DeanHenderson ព្រោះខ្ញុំដឹងថា តើវាមានអត្ថន័យយ៉ាងណាចំពោះគាត់ដែលត្រូវចូលរួម។ ពេលនេះខ្ញុំបានទទួលកិត្តិយស ហើយបានចូលរួមក្នុងការប្រកួតដ៏ធំមួយគឺជាអ្វីដែលក្តីសុបិនត្រូវបានបង្កើតឡើង។ នេះគឺជាពេលវេលាដ៏ពិសេសមួយសម្រាប់ខ្ញុំ និងក្រុមគ្រួសារ”។ … អាន​បន្ថែម Aaron Ramsdale ក្លាយជាអ្នកចាំទីឲ្យក្រុមជម្រើសជាតិអង់គ្លេសជំនួស Dean Henderson ដែលរងរបួសក្នុងព្រឹត្តិការណ៍យូរ៉ូ

ភ្នាក់ងាររបស់កីឡាករ Christian Eriksen និយាយថា កីឡាករសញ្ជាតិដាណឺម៉ាករូបនេះកំពុងមាន“ ស្មារតីល្អ” ប៉ុន្តែកំពុងស្វែងរកមូលហេតុនៃការស្ទះបេះដូងរបស់គាត់អំឡុងពេលប្រកួតបើកឆាក Euro ២០២០កាលពីប្រកួតបើកឆាកជាមួយក្រុមហ្វាំងឡង់។ លោក Martin Schoots បានប្រាប់កាសែតអុីតាលី Gazzetta delloSport ថា “យើងបាននិយាយ ជាមួយគាត់កាលពីថ្ងៃចន្ទ ហើយកំពុងនិយាយលេង ដោយមានអារម្មណ៍ល្អ។ យើងទាំងអស់គ្នាចង់ដឹងថា មានអ្វីកើតឡើង។ វេជ្ជបណ្ឌិតកំពុងធ្វើតេស្តលម្អិត ដោយត្រូវការពេលវេលា” ។ វេជ្ជបណ្ឌិតរបស់ក្រុមដាណឺម៉ាកកាលពីថ្ងៃអាទិត្យបានបញ្ជាក់ថា ខ្សែបម្រើ Inter Milan វ័យ២៩ឆ្នាំរូបនេះបានទទួលរងនូវការគាំងបេះដូងក្នុងអំឡុងពេលប្រកួត។ វេជ្ជបណ្ឌិតលោក Morten Boesen បានប្រាប់សន្និសីទសារព័ត៌មានថា “គាត់បានបាត់បង់ជីវិត ហើយយើងបានធ្វើចលនាសង្គ្រោះបេះដូងឡើងវិញ” ។ … អាន​បន្ថែម Eriksen ស្ថិតក្នុងស្មារតីល្អ ប៉ុន្តែនៅក្រោមការសង្កេតរបស់គ្រូពេទ្យ

កីឡាករ Cristiano Ronaldo បានចាកចេញពីក្រុមបិសាចក្រហម Manchester United កាលពីឆ្នាំ ២០០៩ ហើយមានទំនាក់ទំនងយូរមកហើយជាមួយនឹងការវិលត្រឡប់ទៅកាន់ទឹកដី Old Trafford វិញ។ នេះបើយោងតាមការចេញផ្សាយរបស់សារព័ត៌មានអង់គ្លេស express ។ ខ្សែប្រយុទ្ធ Cristiano Ronaldo បានបែកធ្លាយនូវភាពស្ងៀមស្ងាត់របស់គាត់ចំពោះរបាយការណ៍ដែលភ្ជាប់គាត់ជាមួយនឹងការវិលត្រឡប់ទៅកាន់ក្រុម Manchester United វិញនៅរដូវក្តៅនេះចំពេលដែលមានភាពមិនប្រាកដប្រជាចំពោះអនាគតរបស់គាត់នៅក្លិប Juventus ។ Ronaldo នៅសល់មួយឆ្នាំទៀតលើកិច្ចសន្យារបស់គាត់ជាមួយក្លិប Juventusហើយមិនទាន់ត្រូវបានផ្តល់ជូនគាត់នូវកិច្ចសន្យាថ្មីនៅឡើយទេ។ … អាន​បន្ថែម Cristiano Ronaldo មិនច្រានចោលការវិលត្រឡប់ពី Juventus មកMan Utd នោះទេ