ប្រព័ន្ធផ្សព្វផ្សាយក្នុងស្រុករបស់អុីតាលីបានរាយការណ៍ ដោយយោងតាមប៉ុស្តិ៍ទូរទស្សន៍ Sport Italia TV ថា ក្រុមសេះបង្កង់ Juventus បានចាប់ផ្តើមចរចាជាមួយក្លិប Roma អំពីការទទួលយកប្រធានក្រុម Roma គឺកីឡាករ Edin Dzeko ។ ខ្សែប្រយុទ្ធវ័យ៣៤ឆ្នាំមកពីប្រទេសបូស្នៀ និងហឺហ្សេហ្គូវីណា (ប៊ីអេច) បាននិយាយថា គាត់ចង់ស្នាក់នៅទីក្រុងរ៉ូម ប៉ុន្តែកាលពីសប្តាហ៍មុនក្លិបរបស់គាត់ត្រូវបានដាក់តម្លៃខ្លួនប្រមាណ៥៩១លានអឺរ៉ូ (ប្រហែល៦៩៨លានដុល្លារអាមេរិក) ទៅឱ្យក្រុមហ៊ុនភ្នាក់ងារកីឡាករ Friedkin Group ដែលគ្រប់គ្រងដោយមហាសេដ្ឋីជនជាតិអាមេរិកឈ្មោះ Thomas Daniel Friedkin ។ … អាន​បន្ថែម Juventus ចរចាជាមួយក្រុម Roma លើការទិញខ្សែប្រយុទ្ធសញ្ជាតិបូស្នៀ Dzeko

ក្របខ័ណ្ឌបាល់ទាត់កំពូលអង់គ្លេស Premier League បានលុបចោលការឈប់សម្រាករដូវរងាររបស់ខ្លួនសម្រាប់រដូវកាល ២០២០-២០២១ ដោយសារតែខ្លាចមានការកកស្ទះនៃការប្រកួតដែលបណ្តាលមកពីការឆ្លងរាលដាលនៃជំងឺកូវីដ-១៩។ យុទ្ធនាការប្រកួតនាពេលខាងមុខនេះនឹងមានរយៈពេលខ្លីជាងរដូវធម្មតាចំនួន៥សប្តាហ៍ដោយសារតែការប្រកួតរដូវកាលឆ្នាំ២០១៩-២០២០បានពន្យារពេលយូរពេក។ កាលពីរដូវកាលមុនក្រុមនីមួយៗមានមួយមានពេលសម្រាកមួយសប្តាហ៍ពេញនៅខែកុម្ភៈ ប៉ុន្តែសម្រាប់ការបន្តមិនសម្រាកនេះត្រូវបានសមាគមកីឡាបាល់ទាត់អង់គ្លេសអះអាងថា វានឹងផ្តល់ផលប្រយោជន៍យ៉ាងច្រើនដល់ក្លិប និងប្រទេសមុនពេលយុទ្ធនាការយូរ៉ូ ឆ្នាំ២០២០ របស់ក្រុមជម្រើសជាតិអង់គ្លេស ដែលព្រឹត្តិការណ៍យូរ៉ូ២០២០ ត្រូវបានពន្យារពេលរហូតដល់ឆ្នាំ២០២១។ ក្តីសង្ឃឹមនៃការសម្រាកប្រហាក់ប្រហែលគ្នាមុនពេលព្រឹត្តិការណ៍យូរ៉ូមកដល់ដែលបានគ្រោងទុក ត្រូវបានលុបចោលវិញដោយសារតម្រូវការក្នុងការប្រកួតប្រជែងកីឡាបាល់ទាត់នៅក្នុងស្រុកមានរហូតដល់៣កម្មវិធីបូករួមនឹងការប្រកួតលក្ខណៈអន្តរជាតិ និងជម្រុះយូរ៉ូផងដែរ ៕ដោយ៖ភារៈ អាន​បន្ថែម ក្របខ័ណ្ឌ Premier League លុបចោលការសម្រាករដូវរងារដោយសារតែខ្លាចស្ទះដល់រដូវកាលថ្មីឆ្នាំ២០២០-២០២១

ក្រុមយក្សរបស់អាល្លឺម៉ង់ Bayern Munich បានបំបាក់ក្រុមអ្នកមានបុណ្យ Barcelona ក្នុងលទ្ធផល៨ទល់២ មិនគួរឲ្យជឿសម្រាប់វគ្គជម្រុះ៨ក្រុមចុងក្រោយពានរង្វាន់ UEFA Champions League … អាន​បន្ថែម ក្រុមខ្លាំង Bayern Munich បំបាក់ Barcelona ៨ទល់២ មិនគួរឲ្យជឿនៅ Champions League ឡើងវគ្គពាក់កណ្តាលផ្តាច់ព្រ័ត្រ

ការប្រកួតដណ្តើមពានរង្វាន់អង់គ្លេស FA Cup ក្នុងរដូវកាល២០២០–២០២១ ត្រូវបានកាត់បន្ថយដោយមិនមានការប្រកួតជុំច្រើនដូចរដូវកាលមុនទេ នៅក្នុងប្រតិទិនសម្រាប់ការប្រកួត ។ ចំណែកការប្រកួតដែលនឹងចាប់ផ្តើម នៅថ្ងៃទី១ ខែកញ្ញា ហើយវគ្គផ្តាច់ព្រ័ត្រគ្រោងនឹងធ្វើឡើងនៅកីឡដ្ឋាន Wembley នាថ្ងៃទី១៥ ខែឧសភាឆ្នាំ ២០២១ គឺជាការប្រកួតវគ្គពាក់កណ្តាលផ្តាច់ព្រ័ត្រអង់គ្លេស League Cup ដែលធ្វើឡើងតែមួយជើងទេ ពោលគឺគ្មានការប្រកួតក្នុងទឹកដី និងក្រៅទឹកដីឡើយ។ … អាន​បន្ថែម ការប្រកួតពានរង្វាន់ FA Cup និងការប្រកួតវគ្គពាក់កណ្តាលផ្តាច់ព្រ័ត្រពានរង្វាន់ League Cup ត្រូវបានកាត់បន្ថយសម្រាប់រដូវកាល២០២០-២០២១

សហព័ន្ធកីឡាអត្តពលកម្មរុស្ស៊ី (RusAF) បានបញ្ជាក់ថាពួកគេបានបង់ប្រាក់ពិន័យចំនួន៦,៣ លានដុល្លារសហរដ្ឋអាមេរិកដោយមានជំនួយពីក្រសួងកីឡារបស់ប្រទេសនេះដើម្បីបញ្ចៀសការបណ្តេញចេញពីសមាជិកអត្តពលកម្មពិភពលោក ដោយសារតែការបំពានច្បាប់ដោយអត្តពលិកប្រើប្រាស់គ្រឿងញៀន។ សហព័ន្ធអត្តពលកម្មរុស្ស៊ីបានឲ្យដឹងនៅក្នុងសេចក្តីថ្លែងការណ៍មួយថា ខ្លួនបានបង់ប្រាក់ពិន័យដល់អត្តពលិកពិភពលោកចំនួនទឹកប្រាក់សរុបហើយ ពួកគេយល់ព្រមនឹងគោលនយោបាយនៃការអត់អោនចំពោះការប្រើប្រាស់គ្រឿងញៀនហើយពួកគេកំពុងស្វែងរកឱកាសដើម្បីចាប់ផ្តើមដំណើរការនៃការផ្តល់សមាជិកភាពនៅក្នុងនាមជាកីឡាករអត្តពលកម្មពិភពលោកឡើងវិញ។ ស្ថាប័នអត្តពលិកពិភពលោកបាននិយាយនៅក្នុងសេចក្តីថ្លែងការណ៍មួយថា ខ្លួនបានទទួលថវិកាកាលពីថ្ងៃម្សិលមុិញដើម្បីទូទាត់ការខាតបង់។ ស្ថាប័នអត្តពលិកពិភពលោកបានប្រកាសកាលពីចុងខែកក្កដាថា ខ្លួននឹងបណ្តេញសហព័ន្ធអត្តពលកម្មរុស្ស៊ីប្រសិនបើខ្លួនមិនបង់ប្រាក់ពិន័យចំនួន៥លានដុល្លារអាមេរិកនិង១,៣១ លានដុល្លារអាមេរិកជាថ្លៃចំណាយសម្រាប់ការបំពានច្បាប់ប្រើប្រាស់គ្រឿងញៀនមុនថ្ងៃទី១៥ ខែសីហា។ សហព័ន្ធអត្តពលកម្មរុស្ស៊ីត្រូវបានផាកពិន័យចំនួន ១០ លានដុល្លារសហរដ្ឋអាមេរិកកាលពីខែមីនាដោយពាក់កណ្តាលនៃប្រាក់នោះត្រូវបានព្យួរ។ ការបំពានដោយតម្រូវឲ្យបង់ប្រាក់នេះបានខកខានថ្ងៃផុតកំណត់ដំបូងដែលត្រូវបង់នៅថ្ងៃទី១ ខែកក្កដាហើយបន្ទាប់មកគណៈគ្រប់គ្រងកីឡាអត្តពលកម្មពិភពលោកបានសម្រេចចិត្តបន្តដំណើរការផ្តល់សិទ្ធិដល់អត្តពលិកអព្យាក្រឹតដែលមានការអនុញ្ញាតសម្រាប់អត្តពលិករុស្ស៊ីដែលចង់ចូលរួមប្រកួតជាអន្តរជាតិ។ អត្តពលិករុស្ស៊ីត្រូវបានផ្អាកតាំងពីឆ្នាំ២០១៥ ហើយអត្តពលិករបស់ខ្លួនខកខានមិនបានចូលរួមប្រកួតព្រឹត្តិការណ៍អូឡាំពិក នៅទីក្រុងរីយ៉ូកាលពីឆ្នាំ២០១៦ផងដែរ៕ដោយ៖ភារៈ អាន​បន្ថែម រុស្ស៊ីបង់ប្រាក់ពិន័យដល់ស្ថាប័នអត្តពលកម្មពិភពលោកដើម្បីជៀសវាងការបណ្តេញចេញ

កីឡាអន្តរជាតិ៖ ក្លិប Barcelona បានប្រកាសថា សមាជិកក្រុមមិនបញ្ចេញឈ្មោះម្នាក់បានធ្វើតេស្តវិជ្ជមានជំងឺកូវីដ-១៩។ សមាជិកក្រុមម្នាក់នោះ គឺជាអ្នកឆ្លងក្នុងចំណោម៩នាក់កាលពីហ្វឹកហាត់មុនបើករដូវកាល ប៉ុន្តែអ្នកឆ្លងម្នាក់នេះមិនមានអាការធ្ងន់ធ្ងរនោះទេ ហើយគាត់ត្រូវបានគេដាក់ឲ្យនៅក្នុងផ្ទះរបស់គាត់ ដាច់ដោយឡែកពីគេ។ ដូចគ្នានេះផងដែរកាលពីថ្ងៃពុធក្រុម Athletic Bilbao បាននិយាយថាកីឡាករ៦នាក់បានធ្វើតេស្តវិជ្ជមានជំងឺកូវីដ-១៩នៅពេលដែលពួកគេវិលត្រឡប់ទៅហ្វឹកហាត់មុនបើករដូវកាល។ ចំណែកក្លិប Valencia បានបញ្ជាក់ពីករណីឆ្លងជំងឺកូវីដ-១៩ចំនួន២រូបនៅសប្តាហ៍នេះ ខណៈដែលក្លិប Atletico Madrid បានរាយការណ៍ពីការធ្វើតេស្តវិជ្ជមានចំនួន២នាក់ដែរមុនពេលការប្រកួតវគ្គ៨ក្រុមចុងក្រោយនៃក្របខ័ណ្ឌ Champions League របស់ពួកគេ។ ក្លិប Barcelona បានចេញសេចក្តីថ្លែងការណ៍ថា កីឡាកររបស់ពួកគេមិនបានទាក់ទងជាមួយកីឡាករណាមួយទេនៅពេលដែលធ្វើតេស្តវិជ្ជមាន ខណៈដែលកីឡាករធ្វើដំណើរទៅទីក្រុងលីសបោនកាលពីថ្ងៃព្រហស្បតិ៍ដើម្បីត្រៀមខ្លួនសម្រាប់ការប្រកួតវគ្គ១៦ក្រុមចុងក្រោយនៃក្របខ័ណ្ឌ Champions League របស់ពួកគេ។ ដោយសារតែការរីករាលដាលនៃជំងឺឆ្លងនេះការប្រកួតក្របខ័ណ្ឌ Champions League កំពុងបញ្ចប់ជាមួយនឹងការប្រកួត៨ចុងក្រោយនៅទីក្រុងលីសបោនដែលរួមមានទាំងការប្រកួតដោយបិទទ្វារផងដែរ។ … អាន​បន្ថែម កីឡាកររបស់ក្រុម Barcelona ម្នាក់ធ្វើតេស្តវិជ្ជមានជំងឺកូវីដ-១៩ ខណៈ PSG កក់កៅអីវគ្គពាក់កណ្តាលផ្តាច់ព្រ័ត្រ Champions League

កីឡអន្តរជាតិ៖ កីឡាករសញ្ជាតិដាណឺម៉ាក Pierre-Emile Hojbjerg បានចុះហត្ថលេខាលើកិច្ចសន្យា៥ឆ្នាំជាមួយក្លិបមាន់ខ្នាយមាស Tottenham Hotspur ។ ខ្សែបម្រើវ័យ២៥ឆ្នាំរូបនេះបានចំណាយពេល៤ឆ្នាំនៅក្លិប Southampton បន្ទាប់ពីផ្លាស់មកពីក្លិបយក្សអាល្លឺម៉ង់ Bayern Munich កាលពីឆ្នាំ២០១៦ហើយបច្ចុប្បន្នត្រូវក្លិបមាន់ខ្នាយមាសចុះកិច្ចព្រមព្រៀងទិញយកសម្រាប់ រដូវកាលក្រោយ។ កីឡាករ Hojbjerg បាននិយាយថា “ខ្ញុំគិតថា Spurs មានកីឡាករឆ្នើមអ្នកចាត់ការឆ្នើម ការរៀបចំដ៏អស្ចារ្យ ហើយខ្ញុំមានអារម្មណ៍ថាមានសំណាង និងមានមោទនភាពដែលបានក្លាយជាផ្នែកមួយជាមួយក្លិបនេះ។ ខ្ញុំចង់ផ្តល់អ្វីគ្រប់យ៉ាងរបស់ខ្ញុំ ប៉ុន្តែខ្ញុំក៏ចង់រៀនច្រើនដែរ” ។ យោងតាមសេចក្តីរាយការណ៍របស់ប្រព័ន្ធផ្សព្វផ្សាយអង់គ្លេសបានឲ្យដឹងថា កីឡាករ Hojbjerg បានក្លាយជាការចុះហត្ថលេខាដំបូងនៅរដូវក្តៅរបស់លោក Jose Mourinho ក្នុងតម្លៃប្រហែល១៥លានផោន (ប្រហែល១៩,៥៨លានដុល្លារអាមេរិក) ៕ដោយ៖ភារៈ អាន​បន្ថែម Tottenham Hotspur ទិញបានខ្សែបម្រើសញ្ជាតិដាណឺម៉ាក Hojbjergក្នុងតម្លៃ១៩,៥៨លានដុល្លារ

កីឡាអន្តរជាតិ៖ ការប្រកួតបាល់ទាត់លីគទី២របស់ប្រទេសប្រេស៊ីល Serie B ត្រូវបានពន្យារពេលបន្ទាប់ពីកីឡាករចំនួន១៨នាក់មកពីក្លិប Central SportivoAlagoano (CSA) បានធ្វើតេស្តវិជ្ជមានជំងឺរាតត្បាតកូវីដ-១៩។ សហព័ន្ធកីឡាបាល់ទាត់ប្រេស៊ីល (CBF) បានយល់ព្រមផ្លាស់ប្តូរការប្រកួតក្នុងទឹកដីរបស់ក្លិប Chapecoense ជាមួយក្លិប CSA ដែលបានប្រកួតនៅថ្ងៃពុធនេះបន្ទាប់ពីក្លិប CSA បាននិយាយថា ពួកគេមិនមានកីឡាករគ្រប់គ្រាន់នៅក្នុងក្រុមរបស់ពួកគេទេ។ សេចក្តីថ្លែងការណ៍របស់ CBF បានឲ្យដឹងថា ការប្រកួតរវាងក្រុម Chapecoense ជាមួយក្រុម CSA ត្រូវបានលុបចោលហើយ។ ​​តាមពិតគណៈកម្មាធិការប្រកួត CBF នឹងប្រកាសកាលបរិច្ឆេទថ្មីសម្រាប់ការប្រកួតរវាងក្រុមទាំងនេះ។ មុនដំបូងក្លិប CSA បាននិយាយថា កីឡាករ៩នាក់ត្រូវបានគេធ្វើរោគវិនិច្ឆ័យថាមានជំងឺកូវីដ-១៩ បន្ទាប់ពីការធ្វើតេស្តចុងក្រោយរបស់ក្លិប។CSA បានប្រកាសលទ្ធផលតេស្តវិជ្ជមានចំនួន៩នាក់រួចមកស្រាប់តែរកឃើញ៩នាក់ទៀត ពេលធ្វើតេស្តលើកទី២។ គួររំលឹកថា កាលពីថ្ងៃអាទិត្យកន្លងទៅការប្រកួតនៅក្របខ័ណ្ឌប្រេស៊ីលSerie A ដែលជាការជួបគ្នារវាងក្រុម Goais ប៉ះក្រុម Sao Paulo ក៏ត្រូវបានពន្យារពេលដែរបន្ទាប់ពីក្រុមម្ចាស់ផ្ទះបានរាយការណ៍ថា មានករណីឆ្លងជំងឺកូវីដ-១៩ចំនួន១០នាក់។ ជាមួយគ្នានេះការប្រកួតក្របខ័ណ្ឌប្រេស៊ីលSerie C ក៏ត្រូវបានពន្យារពេលផងដែរកាលពីថ្ងៃអាទិត្យបន្ទាប់ពីកីឡាករក្លិប Imperatriz ចំនួន១២នាក់បានធ្វើតេស្តវិជ្ជមានជំងឺកូវីដ-១៩ មុនពេលដែលពួកគេប្រកួតជាមួយក្លិប Treze ៕ដោយ៖ភារៈ អាន​បន្ថែម កូវីដ-១៩ឆ្លងដល់កីឡាករបាល់ទាត់១៨នាក់នៅលីគទី២របស់ប្រេស៊ីលត្រូវបង្ខំចិត្តពន្យារពេលការប្រកួត

កីឡាអន្តរជាតិ៖ អតីតម្ចាស់ខ្សែក្រវាត់ទម្ងន់ធ្ងន់ Mike Tyson បានវិលចូលសង្វៀនប្រដាល់វិញ ប៉ុន្តែត្រូវបានពន្យារពេលរហូតដល់ថ្ងៃទី២៨ ខែវិច្ឆិកា ឆ្នាំ២០២០។បុរសវ័យ៥៤ឆ្នាំ Mike Tyson នឹងត្រូវជួបជាមួយអតីតជើងឯកពិភពលោកទម្ងន់ Roy Jones Jr នៅក្នុងការប្រកួតពិព័រណ៍មួយក្នុងទីក្រុង Los Angeles ។ ការប្រកួតនេះគ្រោងធ្វើឡើងនៅថ្ងៃទី១២ ខែកញ្ញា ប៉ុន្តែត្រូវបានលើកពេលដោយសារវិបត្តិកូវីដ-១៩ និងដោយសារគណៈកម្មការអត្តពលកម្មបានដាក់ទណ្ឌកម្មលើការប្រកួត នៅសហរដ្ឋអាមេរិកដោយលើកទៅប្រកួតនៅខែវិច្ឆិកាវិញ។ លោក Mike Tyson បាននិយាយថា “ការផ្លាស់ប្តូរកាលបរិច្ឆេទនឹងផ្តល់ឱ្យមនុស្សកាន់តែច្រើននូវឱកាសដើម្បីមើលឃើញការត្រឡប់មកវិញដែលជាការប្រកួតដ៏ធំបំផុតនៅក្នុងប្រវត្តិសាស្ត្រប្រដាល់របស់ខ្ញុំ” ។ សូមបញ្ជាក់ថា លោក Mike … អាន​បន្ថែម ការប្រកួតរវាង Mike Tyson ជាមួយ Roy Jones Jr ត្រូវពន្យារពេលរហូតដល់ខែវិច្ឆិកា

លោក David Beckham កំពុងប្រឹងប្រែងយ៉ាងខ្លាំងក្នុងការនាំយកកីឡាករដើម្បីជួយក្រុមរបស់គាត់នៅក្លិប Inter Miami នៅពេលពួកគេចាប់ផ្តើមរដូវកាលដំបូងនៅលីគកំពូលអាមេរិក Major League Soccer(MLS) ។ លោក Beckham អាចងាកទៅរកក្រុមសេះបង្កង់ Juventus ដើម្បីនាំយកកីឡាករ Matuidi ក្នុងការត្រៀមខ្លួន ចាកចេញនៅរដូវក្តៅនេះទៅកាន់ទឹកដីអាមេរិកសម្រាប់ប្រជែងយកពានរង្វាន់រដូវកាលថ្មី។ យោងតាមសារព័ត៌មាន La Gazzetta dello Sport បានឲ្យដឹងថាកីឡាករ Blaise Matuidi កំពុងពិភាក្សាជុំវិញការផ្លាស់ប្តូរពីក្លិប Juventus ទៅក្លិបអាមេរិក។ កាសែតអុីតាលីបានរាយការណ៍ថា ខ្សែបម្រើសញ្ជាតិបារាំងរូបនេះមិនត្រូវបានបញ្ចូលក្នុងជម្រើសដំបូងរបស់គ្រូបង្វឹកថ្មីលោក Andrea Pirlo នោះទេ។ កីឡាករ Matuidi អាចទទួលយកការផ្តល់ជូនហិរញ្ញវត្ថុដ៏គួរឱ្យទាក់ទាញដែលត្រូវបានរៀបចំឡើងដោយលីគកំពូលអាមេរិក MLS ខណៈដែលកីឡាកររូបនេះចង់បញ្ចប់អាជីពដ៏ភ្លឺស្វាងដែលគាត់បានលេងទាំងក្លិបParis Saint Germain និងក្លិប Juventus ។ ប្រសិនបើការផ្ទេរនេះបានសម្រេច វានឹងក្លាយជាទីផ្សារដោះដូរយ៉ាងធំសម្រាប់ក្រុម Inter … អាន​បន្ថែម Matuidi អាចនឹងធ្វើដំណើរទៅកាន់ក្លិប Inter Miami របស់លោកDavid Beckham

ការប្រកួតវគ្គ៨ក្រុមចុងក្រោយនៃពានរង្វាន់ UEFA Europa League បានបញ្ចប់ហើយដោយរកឃើញ៤ក្រុមឡើងវគ្គ ពាក់កណ្តាលផ្តាច់ព្រ័ត្រ។ ក្នុងនោះលទ្ធផលការប្រកួតកាលពីយប់មុិញក្រុម Sevilla បានយកឈ្នះក្រុម Wolverhampton Wanderers ក្នុងលទ្ធផល១ទល់០។ ១គ្រាប់របស់ក្រុមខ្លាំងមកពីអេស្ប៉ាញ Sevilla រកបានដោយកីឡាករ Lucas Ocampos នៅនាទីទី៨៨ជិតចប់ការប្រកួត។ ចំណែកមួយក្រុមទៀតគឺ Shakhtar Donetsk បានយកឈ្នះក្រុមខ្លាំងមកពីស្វ៊ីស Basel ក្នុងលទ្ធផល៤ទល់១ ដែល៤គ្រាប់របស់ក្រុម Shakhtar Donetsk រកបានដោយកីឡាករ Júnior Moraes នៅនាទីទី២ គ្រាប់ទី២រកបានដោយកីឡាករ Taison នៅនាទីទី២២ គ្រាប់ទី៣រកបានដោយកីឡាករ Alan Patrick នៅនាទីទី៧៥ដែលជាការទាត់បាល់ពិន័យប៉េណាល់ទី … អាន​បន្ថែម រកឃើញ៤ក្រុមឡើងវគ្គពាក់កណ្តាលផ្តាច់ព្រ័ត្រពានរង្វាន់ Europa League