អ្នកជិះកង់សញ្ជាតិស្វុីសឈ្មោះ Kevin Winter ត្រូវបានហាមឃាត់មិនឲ្យចូលរួមប្រកួតរយៈពេល៤ឆ្នាំបន្ទាប់ពីកីឡាករជិះកង់រូបនេះបានធ្វើតេស្តរកឃើញសារធាតុហាមឃាត់ក្នុងវិស័យកីឡា។ Kevin Winter ត្រូវបានដាក់ទណ្ឌកម្មដោយគណៈកម្មការវិន័យវិន័យអូឡាំពិកប្រទេសស្វុីសបន្ទាប់គាត់បានផ្តល់ការធ្វើតេស្តក្រៅក្របខ័ណ្ឌការប្រកួតកាលពីខែមករា ឆ្នាំ២០១៩ ដែលត្រូវបានរកឃើញថាមានផ្ទុកសារធាតុមេទីណូឡូនស្តេរ៉ូណូស និងតេស្តូស្តេរ៉ូន។ កីឡាករជិះកង់វ័យ២៩ឆ្នាំរូបនេះទទួលបានលទ្ធផលល្អបំផុតនៅលើឆាកអន្តរជាតិគឺស្ថិតក្នុងចំណាត់ថ្នាក់ទី១៧ក្នុងការប្រណាំងកង់ ChronoChampenois ក្នុងឆ្នាំ២០១៦ ត្រូវបានផ្អាកជាបណ្តោះអាសន្នចាប់តាំងពីខែឧសភាមកម្ល៉េះ។ Kevin Winter បានអះអាងថា គាត់មិនដែលលេបថ្នាំដោយមិនបានពិនិត្យទេ ហើយសារធាតុហាមឃាត់នេះត្រូវបានគេរកឃើញនៅក្នុងអាហារបំប៉នរបស់គាត់។ ប៉ុន្តែអំណះអំណាងរបស់គាត់ត្រូវបានក្រុមជំនុំជម្រះវិន័យច្រានចោល ដោយមិនចង់ផ្តល់ភស្តុតាងដោះបន្ទុកណាមួយដើម្បីគាំទ្រការអះអាងរបស់គាត់ឡើយ។ នៅក្នុងសេចក្តីថ្លែងការណ៍មួយរបស់ប្រធានគណៈកម្មការវិន័យអត្តពលិកប្រទេសស្វ៊ីសបានរំលឹកដល់អត្តពលិកទាំងអស់ថា បទប្បញ្ញត្តិប្រឆាំងនឹងការប្រើប្រាស់គ្រឿងញៀនគឺផ្អែកលើគោលការណ៍នៃការទទួលខុសត្រូវយ៉ាងតឹងរុឹងបំផុត។ នេះមានន័យថាអត្តពលិកម្នាក់ៗទទួលខុសត្រូវតែលើសារធាតុដែលរកឃើញនៅក្នុងខ្លួនរបស់គាត់ប៉ុណ្ណោះ ៕ដោយ៖ភារៈ   អាន​បន្ថែម អ្នកជិះកង់សញ្ជាតិស្វុីសត្រូវបានហាមមិនឲ្យប្រកួត៤ឆ្នាំក្រោយរកឃើញប្រើប្រាស់សារធាតុញៀន

ក្រុមបិសាចក្រហម Manchester United និងក្រុមខ្លាំងមកពីអុីតាលី Inter Milan បានយកឈ្នះគូប្រកួតរៀងៗក្នុងការប្រកួតវគ្គជម្រុះ៨ក្រុមចុងក្រោយនៃពានរង្វាន់ Europa League កាលពីយប់មុិញនេះ។ ក្រុមបិសាចក្រហម Man United បានយកឈ្នះក្រុម Copenhagen របស់ប្រទេសដាណឺម៉ាកក្នុងលទ្ធផល ១ទល់០ ដែលជាបាល់ពិន័យប៉េណាល់ទីពីខ្សែបម្រើ Bruno Fernandes នៅម៉ោងបន្ថែមនាទីទី៩៥។ ក្រុមរបស់លោក Ole Gunnar Solskjaer ធ្វើបានល្អនៅពាក់កណ្តាលតង់ទី២ ប៉ុន្តែមិនអាចរករកគ្រាប់បាល់បំប៉ោងសំណាញ់ទីពីអ្នកចាំទី Karl-Johan Johnsson របស់ក្រុម Copenhagen បានឡើយ … អាន​បន្ថែម បិសាចក្រហម Man United និង Inter Milan ឡើងវគ្គពាក់កណ្តាលផ្តាច់ព្រ័ត្រ Europa League

កីឡាការិនីបារាំង Fiona Ferro បានឈ្នះកីឡាការិនីលំដាប់លេខ៤ពិភពលោកនាង Anett Kontaveit នៃប្រទេសអេស្តូនីក្នុងវគ្គផ្តាច់ព្រ័ត្រកីឡាវាយតឺន្នីសកម្មវិធី Palermo Ladies Open ដើម្បីឈ្នះពានរង្វាន់អាជីពជាលើកទី២របស់នាង។ ការប្រកួតកម្មវិធីកីឡាវាយតឺន្នីស Palermo Open គឺជាការប្រកួតកម្រិត WTA កម្រិតទេសចរណ៍លើកដំបូងក្នុងរយៈពេល៥ខែបន្ទាប់ពីការផ្ទុះឡើងនូវជំងឺឆ្លងកូវីដ-១៩ នៅក្នុងប្រទេសអុីតាលី។ Ferro ដែលឈរនៅលំដាប់ទី៥៣លើពិភពលោកបានយកឈ្នះ Kontaveit ដោយលទ្ធផល ៦-២ និង ៧-៥។ ក្រោយជ័យជម្នះនេះកីឡាការិនី Ferro បាននិយាយថា “វាមានន័យណាស់ ជាពិសេសបន្ទាប់ពីការខកខានចូលរួមប្រកួតរយៈពេល៥ខែដែលជាពេលវេលាដ៏លំបាក។ … អាន​បន្ថែម Ferro បំបាក់កីឡាការិនីលំដាប់ទី៤ពិភពលោក Kontaveit ឈ្នះពានរង្វាន់ Palermo Open

ខ្សែបម្រើសញ្ជាតិប្រេស៊ីល Willian បានបញ្ជាក់ថា រូបគេនឹងចាកចេញពីក្លិបតោខៀវ Chelsea បន្ទាប់ពីចូលរួមជាមួយក្លិបរយៈពេល៧ឆ្នាំក្នុងកីឡដ្ឋាន Stamford Bridge ។ កីឡាករវ័យ៣២ឆ្នាំរូបនេះ អាចជាប់ទាក់ទងនឹងការផ្លាស់ទៅកាន់ Arsenal ដោយគេបានឃើញការបង្ហោះសារលាដល់អ្នកគាំទ្រក្លិបនៅលើបណ្តាញសង្គម Twitter ។ កីឡាកររូបនេះបាននិយាយថា “ពេលនេះដល់ពេលដែលត្រូវបន្តដំណើរទៅមុខហើយ។ ខ្ញុំពិតជានឹកមិត្តរួមក្រុមរបស់ខ្ញុំណាស់។ ខ្ញុំបានប្រកាន់ជំហររបស់ខ្ញុំនៅពេលអនាគិត ហើយខ្ញុំបានឈ្នះអ្វីៗនៅទីនេះដែលតែងតែធ្វើបានល្អបំផុតក្នុងការរួមរស់ជាមួយ Chelsea!”។ Willian ដែលបានចាប់ផ្តើមអាជីពរបស់គាត់ជាមួយក្លិបមួយនៅក្រុងសៅប៉ូឡូបានចូលរួមជាមួយក្រុមតោខៀវ Chelsea បន្ទាប់ពីចេញពីក្លិប AnzhiMakhachkala ក្នុងឆ្នាំ២០១៣ និងបានបង្ហាញខ្លួនជាង៣០០ប្រកួតសម្រាប់ក្លិបដោយឈ្នះពាន Premier League ២ដង។ កីឡាកររូបនេះនឹងផុតកុងត្រានៅរដូវក្តៅនេះ ហើយមិនបានយល់ព្រមលើកិច្ចសន្យារយៈពេលវែងថ្មីជាមួយក្លិបនោះទេ។ ជាមួយគ្នានោះខ្សែបម្រើសញ្ជាតិអេស្ប៉ាញ Pedro ក៏បានប្រកាសថារូបគេនឹងចាកចេញពីក្លិបតោខៀវ Chelsea កាលពីថ្ងៃអាទិត្យបន្ទាប់ពីចូលរួមជាមួយក្លិបនេះអស់រយៈពេល៥ឆ្នាំ។ ការចង់ចាកចេញនេះបន្ទាប់ពីគ្រូបង្វឹកលោក Lampard ធ្លាប់បានប្រកាសថា លោកនឹងបញ្ចេញកីឡាករដែលជាខ្សែបម្រើមួយចំនួនដើម្បីបង្កើនហិរញ្ញវត្ថុទិញកីឡាករដែលមានសក្តានុពលមកវិញ … អាន​បន្ថែម Willian បញ្ជាក់ពីការចាកចេញពី Chelsea ក្រោយចូលរួមរយៈពេល៧ឆ្នាំ