អ្នករៀបចំព្រឹត្តិការណ៍បាននិយាយថា កីឡាករលេខ៧ពិភពលោកសញ្ជាតិអាឡឺម៉ង់គឺ Alexander Zverev បានបញ្ជាក់ពីការចូលរួមរបស់គាត់នៅក្នុងព្រឹត្តិការណ៍ Mexico Open ឆ្នាំ២០២១ ។ កីឡាករវ័យ២៣ឆ្នាំរូបនេះគឺជាកីឡាករកំពូលទាំង១០នាក់ដំបូងដែលបានប្តេជ្ញាចិត្តចូលរួមព្រឹត្តិការណ៍ ATP 500 ដែលនឹងត្រូវលេងនៅទីក្រុងAcapulco នៃតំបន់រមណីយដ្ឋានប៉ាស៊ីហ្វិកចាប់ពីថ្ងៃទី២២ ដល់ ថ្ងៃទី២៧ ខែកុម្ភៈ។ ប្រធានរៀបចំការប្រកួតលោក Raul Zurutuza បាននិយាយនៅក្នុងសេចក្តីថ្លែងការណ៍ថា “បន្ទាប់ពីឆ្លងកាត់ពេលវេលាដ៏លំបាកនេះ វាជាកិត្តិយសនិងសេចក្តីរីករាយដែលអាចបញ្ជាក់បានថា Alexander Zverevនឹងមកដល់ទីក្រុង Acapulco” ។ សូមបញ្ជាក់ថា Zverev ធ្លាប់ជាជើងឯករងក្នុងព្រឹត្តិការណ៍ Mexico Open កាលពីឆ្នាំ២០១៩ ដោយបានចាញ់នឹងកីឡាករ Nick Kyrgiosរបស់អូស្ត្រាលីនៅវគ្គផ្តាច់ព្រ័ត្រ។ គាត់ក៏ជាអ្នកឈ្នះចុងក្រោយក្នុងព្រឹត្តិការណ៍ US Open កាលពីខែមុនដែលជាការបញ្ចប់ដ៏ល្អបំផុតរបស់គាត់នៅក្នុងកម្មវិធី Grand Slam ដោយចាញ់កីឡាករសញ្ជាតិអូទ្រីស Dominic Thiem ចំនួន៥សិត ៕ដោយ៖ភារៈ … អាន​បន្ថែម កីឡាករវាយតឺន្នីសលេខ៧ពិភពលោក Zverev ទៅលេងនៅ​ Mexico Open

ក្រុមបិសាចក្រហម Manchester United, Barcelona និងក្រុមសេះបង្កង់ Juventus សុទ្ធសឹងតែទទួលបានជ័យជំនះក្នុងយុទ្ធនាការប្រកួតវគ្គជម្រុះក្របខ័ណ្ឌ Champions League របស់ពួកគេនៅពេលដែលជាវគ្គប្រកួតចែកពូល។ ការប្រកួតដ៏សំខាន់កាលពីថ្ងៃអង្គារបានធ្វើឲ្យមានការប៉ះទង្គិចធ្ងន់ៗចំនួនពីរលើកក្នុងការប្រកួតវគ្គចែកពូលនៃពូល H ខណៈដែលក្រុម Man United បានផ្តួលក្រុម Paris Saint-Germain ក្នុងលទ្ធផល ២-១ ដោយសារការធ្វើបានចុងម៉ោងរបស់កីឡាករ Marcus Rashford ។ គ្រាប់ចុងក្រោយរបស់ខ្សែប្រយុទ្ធឆ្នើមអង់គ្លេសរូបនេះបានជួយឲ្យក្លិបឈ្នះគូប្រកួតក្រៅទឹកដីរបស់ខ្លួន។ ជ័យជំនះនេះមានន័យថា ក្រុមបិសាចក្រហមដែលបច្ចុប្បន្ននេះក៏បានស៊ុតបាល់បញ្ចូលទីបានចំនួន៩ គ្រាប់ផងដែរនៅក្នុងការប្រកួត Champions League ដោយសារកំហុសរបស់ Anthony Martial ដែលបានឈ្នះការប្រកួតក្រៅដីចំនួន១០លើកជាប់ៗគ្នានៅក្នុងការប្រកួតទាំងអស់ជាលើកដំបូងរបស់ក្លិប។ ខ្សែបម្រើ Bruno Fernandes បានបើកការស៊ុតបាល់បញ្ចូលទីដោយការទាត់បាល់ពិន័យ១១ម៉ែត្ររបស់គេសម្រាប់ក្រុមបិសាចក្រហម។ … អាន​បន្ថែម Man Utd បានបំបែកកំណត់ត្រាឈ្នះរបស់ក្លិប ខណៈ Barcelona និងJuventus ទទួលបានជ័យជម្នះក្នុងវគ្គជម្រុះតាមពូលក្របខ័ណ្ឌ Champions League

សមាគមបាល់ទាត់ប្រទេសឆេកបានបណ្តេញគណៈកម្មាធិការអាជ្ញាកណ្តាលរបស់ខ្លួនកាលពីថ្ងៃអង្គាររួមទាំងប្រធាន លោក Jozef Chovanecបន្ទាប់ពីប៉ូលិសបានឆ្មក់ចូលទីស្នាក់ការសហព័ន្ធបាល់ទាត់ឆេក (FA) និងទីតាំងផ្សេងទៀតនៅទូទាំងប្រទេស ដោយបានចោទប្រកាន់មនុស្ស២០ នាក់ពីបទពុករលួយ។ អនុប្រធាន FA ឆេកលោក Roman Berbr ដែលស្ថិតក្នុងចំណោមមនុស្ស២០ នាក់ដែលត្រូវបានចោទប្រកាន់ពីបទរៀបចំការប្រកួតទុកជាមុន និងបទពុករលួយកាលពីថ្ងៃសុក្រសប្តាហ៍មុនបានចុះចេញពីតំណែង ដោយគាត់កំពុងស្ថិតក្នុងការឃុំឃាំងរបស់ប៉ូលិស។ ប្រធានក្រុមសហព័ន្ធបាល់ទាត់ឆេកលោក Martin Malik បានធ្វើសន្និសីទកាសែតថា លោក Roman Berbr មានវ័យ៦៦ឆ្នាំដែលជាឥស្សរជនដ៏មានឥទ្ធិពលម្នាក់ក្នុងវិស័យបាល់ទាត់ឆេកបានលាលែងពីតំណែង តាមរយៈមេធាវីរបស់គាត់ភ្លាមៗមុនពេលការប្រជុំវិសាមញ្ញរបស់សមាគមបាល់ទាត់ប្រទេសចាប់ផ្តើម។ លោក Martin Malik បានបន្តថា “យើងទាំងអស់គ្នាដែលសកម្មនៅក្នុងកីឡាបាល់ទាត់ឆេក យើងអនុញ្ញាតឱ្យរឿងនេះកើតឡើង។ ស្ថានភាពដែលយើងកំពុងដោះស្រាយនៅពេលនេះគឺមិនធម្មតាទេ វាគឺជាការវាយប្រហារប្រឆាំងនឹងខ្លឹមសារនៃវិស័យបាល់ទាត់។ ខ្ញុំមិនអាចប្រាប់ថាតើផលប៉ះពាល់នឹងធំប៉ុនណានោះទេ”។ លោក Martin Malik បន្ថែមថា សមាគមនឹងសហការយ៉ាងជិតស្និទ្ធជាមួយប៉ូលិសដើម្បីបង្កើតអង្គភាពពិសេសមួយផ្តោតលើការការពារការកំណត់លទ្ធផលស្រដៀងជាមួយសមាជិករបស់ UEFA ផ្សេងទៀតហើយសមាគមបាល់ទាត់ឆេកបានជូនដំណឹងដល់ UEFA អំពីស្ថានភាពនេះរួចហើយ។ … អាន​បន្ថែម មន្ត្រីកំពូលរបស់សហព័ន្ធបាល់ទាត់ឆេកលាឈប់ពីតំណែង និងអ្នកផ្សេងទៀតត្រូវបានបណ្តេញចេញដោយសាររឿងពុករលួយ

ក្របខ័ណ្ឌអង់គ្លេស Premier League បានប្រកាសថា មនុស្ស៨នាក់បានវិលត្រឡប់មកវិញនូវលទ្ធផលជាវិជ្ជមាននៅក្នុងការធ្វើតេស្តរកឃើញជំងឺCOVID-19 របស់ខ្លួនដែលបានធ្វើឡើងលើកីឡាករ និងបុគ្គលិកកាលពីសប្តាហ៍មុន។ បុគ្គលដែលបានធ្វើតេស្តវិជ្ជមានចំពោះជំងឺ COVID-19នឹងនៅដាច់ដោយឡែកខ្លួនឯងរយៈពេល១០ថ្ងៃ។ នៅក្នុងក្របខ័ណ្ឌ Premier League ថ្ងៃនេះអាចបញ្ជាក់បានថា រវាងថ្ងៃចន្ទទី១២ ខែតុលាដល់ថ្ងៃអង្គារទី២០ ខែតុលាកីឡាករ និងបុគ្គលិកក្លិបចំនួន១.៥៧៥ នាក់ត្រូវបានធ្វើតេស្តសាកល្បងលើរកជំងឺ COVID-19 ក្នុងនោះមានការសាកល្បងគឺមានលទ្ធផលវិជ្ជមានថ្មីចំនួន៨នាក់។ មនុស្សសរុបចំនួន៤២នាក់បានធ្វើតេស្តវិជ្ជមានជំងឺ COVID-19 ក្នុងការធ្វើតេស្តចំនួន៧លើកចាប់តាំងពីយុទ្ធនាការរដូវកាលថ្មីបានចាប់ផ្តើមកាលពីថ្ងៃទី១២ ខែកញ្ញាកន្លងទៅ។ យោងតាមការចុះផ្សាយរបស់ទីភ្នាក់ងារសារព័ត៌មានរ៉យទ័របានឱ្យដឹងថា មានការឆ្លងជំងឺ COVID-19 ជាង៧៥០.០០០និងការស្លាប់ជាង៤៣.០០០នាក់នៅក្នុងចក្រភពអង់គ្លេស ប៉ុន្តែប្រកួតបាល់ទាត់សម្រាប់រដូវថ្មីបានបើកដំណើរការឡើងវិញបន្ទាប់ពីពន្យារពេលចាប់តាំងពីការផ្ទុះរាលដាលជំងឺនេះកាលពីខែមីនាមក ៕ ដោយ៖ភារៈ     អាន​បន្ថែម ក្របខ័ណ្ឌ Premier League រកឃើញមនុស្ស៨នាក់ធ្វើតេស្តវិជ្ជមានជំងឺCOVID-19