នាវាចម្បំាងចិននិងយន្តហោះចម្បាំងជាច្រើនបានទៅបណ្តេញនាវាចម្បាំងអាមេរិកចេញពីកោះមានសណ្ឋានលេខបូកស្ថិតនៅប្រជុំកោះរបស់វៀតណាមកាលពីថ្ងៃទី១០ខែឧសភាឆ្នាំ២០១៦។ ក្រសួងការពារជាតិចិនបានឲ្យដឹងថាចិនបានបញ្ជូននាវាចម្បាំងយន្តហោះចម្បាំង២គ្រឿងយន្តហោះយាមល្បាតទៅបណ្តេញនាវាចម្បាំងរបស់អាមេរិកប្រភេទUSS William P. Lawrenceដែលកំពុងយាម ល្បាតនៅក្នុងដែនសមុទ្រចិនភាគខាងត្បូង។ទន្ទឹមនឹងនោះចិនបានដាក់បន្ថែមនាវាយាមល្បាត៣គ្រឿងទៀតបំពាក់កាំជ្រួចមីស៊ីលនាំផ្លូវដើម្បីគំរាមនាវាអាមេរិកឲ្យចេញពីដែនសមុទ្រដែលចិនកំពុងតែគ្រប់គ្រង។ អ្នកនាំពាក្យក្រសួងការពារជាតិចិនបានឲ្យដឹងថាការណ៍ដែលចូលឈ្លានពានខុសច្បាប់របស់នាវាចម្បាំងអាមេរិកនៅតំបន់សមុទ្ររបស់ចិនជាការឌឺដងមិនអាចទទួលយកបាន។មន្ត្រីចិនបានបញ្ជាក់ទៀតថាតើអាមេរិកចង់កកូរសមុទ្រចិនភាគខាងត្បូងដល់ណាទៀតដើម្បីផលប្រយោជន៍របស់ខ្លួនក្នុងពេលជាមួយគ្នានេះរដ្ឋមន្ត្រីការបរទេសអាមេរិកលោកចនឃើរីបានគេចមុខក្នុងការធ្វើអត្ថាធិប្បាយពីដំណើរទស្សនកិច្ចរបស់ប្រធានាធិបតីបារ៉ាក់អូបាម៉ានៅតំបន់អាស៊ីនៅចុងខែឧសភានេះជាដំណើរទស្សនកិច្ចចុងក្រោយមុនបញ្ចប់អាណត្តិប្រធានាធិបតី។ នៅពេលនេះលោកបារ៉ាក់អូបាម៉ាបានធ្វើទស្សនកិច្ចទៅកាន់ប្រទេសជប៉ុនដែលជាផ្នែកមួយក្នុងគម្រោងដំណើរទស្សនកិច្ចមកអាស៊ីរបស់លោក។ដំណើរទស្សនកិច្ចរបស់លោកបារ៉ាក់អូបាម៉ាទៅកាន់ទីក្រុងហ៊ីរ៉ូសីុម៉ាគឺជាផ្នែកមួយនៃដំណើរទស្សនកិច្ចរបស់លោកនៅក្នុងតំបន់អាស៊ីក្នុង ចន្លោះពីថ្ងៃទី២០ដល់ថ្ងៃទី២៨ខែឧសភាឆ្នាំ២០១៦ដោយលោកនឹងត្រូវធ្វើដំណើរទៅកាន់ប្រទេសវៀតណាមនិងទៅចូលរួមក្នុងជំនួបកំពូលក្រុមប្រទេសGនៅក្នុងប្រទេសជប៉ុន។ យោងតាមមន្រ្តីអ្នកនាំពាក្យសេតវិមានលោកបារ៉ាក់អូបាម៉ាអមដំណើរដោយលោកនាយករដ្ឋមន្រ្តីជប៉ុនសីុនហ្សូអាបេនឹងធ្វើដំណើរទៅកាន់ទីក្រុងហ៊ីរ៉ូសីុម៉ានៅថ្ងៃទី២៧ខែឧសភាដើម្បីបញ្ជាក់ពីការប្តេជ្ញាចិត្តរបស់លោកក្នុងការបន្តចក្ខុវិស័យដែលចង់ឃើញពិភពលោកមួយគ្មានអាវុធនុយក្លេអ៊ែរ។ចក្ខុវិស័យដែលលោកបាន … អានបន្ថែម ចិនបញ្ជូនយន្តហោះនាវាចម្បាំងបណ្តេញនាវាអាមេរិកចេញពីកោះលេខបូក
