កីឡាករArturo Vidal ខ្សែបម្រើរបស់ក្លិបBayern Munich បាននិយាយថាគាត់ចង់ឲ្យខ្សែប្រយុទ្ធAlexis Sanchez របស់ក្លិបArsenal មកលេងក្នុងក្រុមជាមួយនឹងគាត់នៅក្នុងប្រទេសអាល្លឺមង់។ កីឡាករទាំងពីររូបនេះស្គាល់គ្នាយ៉ាងច្បាស់ដោយសារពួកគេលេងនៅក្នុងក្រុមជម្រើសជាតិឈីលីជាមួយគ្នា។ មិនត្រឹមតែប៉ុណ្ណោះលោក Carlo … អាន​បន្ថែម ខ្សែបម្រើក្លិប Bayern Munich ចង់ឲ្យខ្សែប្រយុទ្ធ Alexis Sanchez ចូលរួមលេងនៅក្លិបរបស់ខ្លួន

ក្លិបAston Villa នឹងកាត់បន្ថយបុគ្គលិករហូតដល់ទៅ៥០០នាក់ដោយសារតែពួកគេបានធ្លាក់ចេញពីក្របខ័ណ្ឌកំពូលអង់គ្លេសទៅលេងក្នុងក្របខណ្ឌ័អង់គ្លេសChampionship នៅរដូវកាលក្រោយ។ ក្រោយប្រកួតចាញ់៩ប្រកួតជាប់គ្នាធ្វើឲ្យAston Villa ធ្លាក់ទៅលេងក្របខ័ណ្ឌលំដាប់លេខ២អង់គ្លេសដោយស្វ័យប្រវត្តិខណៈការប្រកួតនៅសល់៤ប្រកួតទៀតដោយពួកគេមានតែ១៦ពិន្ទុប៉ុណ្ណោះក្នុងចំណោម៣៤ប្រកួត។ ដើម្បីធ្វើកំណែរទម្រង់ក្លិបដ៏ធំមិនធ្លាប់មាននោះក្រុមAston Villa ត្រៀមកាត់បន្ថយបុគ្គលិកចំនួន៣៣ភាគរយក្នុងចំណោមបុគ្គលិកសរុបចំនួន១៦០០នាក់។ក្លិបនេះមានបុគ្គលិកធ្វើការពេញម៉ោងចំនួន៥៣៥នាក់កីឡាករបាល់ទាត់និងគ្រូបង្វឹកចំនួន១៨៥នាក់។ ខ្សែប្រយុទ្ធអង់គ្លេសAgbonlahor … អាន​បន្ថែម បុគ្គលិក៥០០នាក់របស់ក្លិប Aston Villa នឹងបាត់បង់ការងារដោយសារក្លិបធ្លាក់ពី Premier League

ភ្នំពេញ៖ សហព័ន្ធកីឡាកាយសម្ព័ន្ធកម្ពុជានឹងបញ្ជូនកីឡាករ២នាក់និងកីឡាការិនីម្នាក់ទៅចូលរួមប្រកួតកីឡាកាយសម្ព័ន្ធកម្រិតពិភពលោកលើកទី១៤នៅទីក្រុងអ៊ីនឈនប្រទេសកូរ៉េខាងត្បូងដើម្បីបញ្ជ្រាបខ្លួនទៅក្នុងព្រឹត្តិការណ៍ដ៏ធំរបស់កីឡាកាយសម្ព័ន្ធអាអេរ៉ូប៊ិចដែលបច្ចុប្បន្នប្រទេសជប៉ុនកំពុងស្ថិតនៅលេខរៀងទី១នៃចំណាត់ថ្នាក់ពិភពលោករួចទៅហើយនោះ។ លោកណយផាន់ណាអគ្គលេខាធិការសហព័ន្ធកីឡាកាយសម្ព័ន្ធកម្ពុជាបានប្រាប់ឲ្យដឹងកាលពីរសៀលថ្ងៃទី១៩ខែមេសាឆ្នាំ២០១៦ក្រោយបញ្ចប់ការហ្វឹកហាត់ថា ចំពោះកីឡាករកីឡាការិនីកាយសម្ព័ន្ធកម្ពុជាដែលមានឱកាសចេញទៅប្រកួតកីឡាកាយសម្ព័ន្ធជើងឯកពិភពលោកលើកទី១៤នៅប្រទេសកូរ៉េនេះសម្រាប់កម្ពុជាយើងគឺជាលើកទី១ហើយដែលពីមុនបានត្រឹមតែទៅចូលរួមប្រកួតថ្នាក់តំបន់និងជើងឯកថ្នាក់អាស៊ីប៉ុណ្ណោះ។ អគ្គលេខាធិការរូបនេះបានបន្តទៀតថាចង់មិនចង់ក៏យើងត្រូវទៅចូលរួមដែរពីព្រោះយើងចង់ឲ្យកីឡាករកីឡាការិនីរបស់យើងបានឈ្វេងយល់អំពីហ្គេមកម្រិតពិភពលោក។ ម្យ៉ាងវិញទៀតហ្គេមមួយនេះមានការចូលរួមពីបណ្តាប្រទេសមហាយក្សធំៗផ្នែកកីឡាកាយសម្ព័ន្ធមានទាំងអឺរ៉ុបនិងអាស៊ីពិសេសមហាយក្សនៅអាស៊ីដូចជាជប៉ុនចិនកូរ៉េគឺពួកគេបានស្ថិតនៅកំពូលតារាងនៃចំណាត់ថ្នាក់ពិភពលោក។ លោកផាន់ណាបញ្ជាក់បន្ថែមថាចំពោះការត្រៀមបញ្ជូនកីឡាករកីឡាការិនីទៅចូលរួមប្រកួតនៅប្រទេសកូរ៉េនាថ្ងៃទី១៣ដល់ថ្ងៃទី១៩ខែមិថុនាឆ្នាំ២០១៦ខាងមុខនេះសហព័ន្ធគ្រោងចំណាយថវិកាប្រមាណជាង១ម៉ឺនដុល្លារក្នុងនោះថវិកាមួយចំនួនដូចជាថ្លៃសំបុត្រយន្តហោះការធ្វើដំណើរទទួលបានការឧបត្ថម្ភពីលោកថោងខុនប្រធានសហព័ន្ធកីឡាកាយសម្ព័ន្ធកម្ពុជា។ ចំណែកថវិកាមួយចំនួនទៀតសហព័ន្ធសុំពីដៃគូនៅក្រៅប្រទេសនិងក្រសួងអប់រំយុវជននិងកីឡាផ្តល់ជូនប្រាក់ហោប៉ៅ។ ដោយឡែកការហ្វឹកហាត់ត្រៀមរបស់កីឡាកាយសម្ព័ន្ធផ្នែកអាអេរ៉ូប៊ិចទៅចូលរួមប្រកួតជើងឯកពិភពលោកនេះមាន៤វិញ្ញាសាដូចជាប្រកួតជាក្រុមបុរសមិចបុរសនារីនិងឯកត្តជនបុរសនារី។ លោកណយផាន់ណាបានចាត់ទុកការប្រកួតនេះគឺជារឿងលំបាកបំផុតដោយសារកីឡាករកីឡាការិនីដែលទៅចូលរួមប្រកួតសុទ្ធតែលំដាបពិភពលោកប៉ុន្តែលោកនៅតែមានសង្ឃឹមចំពោះកូនក្រុមរបស់លោកដោយលោកយល់ឃើញថាដើម្បីបានឈ្វេងយល់ពីហ្គេមដ៏ធំមួយនេះយើងចាំបាច់ត្រូវតែទៅចូលរួម។ គួររំលឹកថាកន្លងទៅកីឡាកាយសម្ព័ន្ធកម្ពុជាក៏ធ្លាប់ទទួលបានមេប្រាក់និងមេដាយសំរឹទ្ធិពីព្រឹត្តិការណ៍ប្រកួតជើងឯកអាស៊ីផងដែរ៕ ដោយ៖ … អាន​បន្ថែម កីឡាកាយសម្ព័ន្ធកម្ពុជានឹងទៅចូលរួមប្រកួតជើងឯកពិភពលោកនៅខែមិថុនាខាងមុខនេះ